肉絲炒麵 + 鹹魚瑤柱絲炒脆肉瓜 ( 12-jun-2012 )

( 12-jun-2012 tue )

星期二   都好似咁攰咁嘅   食完早餐   飲完咖啡都仲係有 d 攰 ~

菇場又靜   真係一個好適合瞓覺嘅地方 ~

無啦啦好餓   所以好期待 lunch time   一夠鐘就即走去買炒米粉 + 燒賣   番到菇場慢慢食   爽呀 ~ 

今晚等 van 仔等到 6 點   痴線架   好在唔駛買餸   唔係會覺得好趕咁 ~

番到屋企預備完晚餐就拖地   其實真係好想晚晚拖地   因為之前鐘點晚晚拖地   個地真係好鬼爽   不過我又懶   同埋真係好攰   所以依家都希望盡量隔晚拖呢 ~

今晚自己食先   食咗兩隻紅豆糭   好在多豆唔多糯米   唔係好滯都似 ~

是日懶餐 - 肉絲炒麵 + 鹹魚瑤柱絲炒脆肉瓜

肉絲炒麵 - 始終都覺得加埋韭菜係好味 d 咁   可能我鍾意食 d 爽口嘢   肉絲就係用尋晚滾湯剩嘅肉片   加埋食唔哂嘅雞扒   其實我唔加肉都得   不過里奧大人鍾意有 d 肉嘛   齋炒麵不知幾咁方便   今晚好開心可以用哂支印尼甜豉油   因為我估唔到自己真係可以用得哂囉 ~ 

鹹魚瑤柱絲炒脆肉瓜 - 之前煮過一次脆肉瓜   覺得有 d 苦   咁唔忿氣   再買多次   都係覺得苦喎   下次都係唔食喇   好驚呀 ~

8 點 15 分打比里奧大人   佢話走得   點知 9 點半都無打比我   我都知佢未走到   之後 9 點 45 分打黎話放工   等到 10 點 15分   我坐喺 sofa 度差 d 瞓着   真係好鬼攰   好在佢 10 點半番到黎   整埋甜醬辣醬比佢   我又坐喺 sofa 睇電視   諗住幫佢洗碗   佢話自己洗   因為知我手指有濕疹   比我 r 到損哂   個位又好難埋口   所以我都唔客氣比佢自己洗   之後我即刻入房瞓喇   佢就繼續做公司嘢 ~