Food Court @ Piago ( 九龍灣 ) ( 9-jun-2012 )

我嘅招牌便當 - 我鍾意食便當架   樣樣有 d 嘛

我將一半飯比里奧大人幫我整炒飯  

里奧大人嘅黑椒牛肉飯 - 次次都叫我快 d 影   咁啱今次個 "hurry" 仲對住我   搞到我真係要好快好快好快影咁 woo

( 9-jun-2012 sat )

爽呀   8 點起身   shopping 完再食早餐   9 點 50 分番到菇場   但等等等   好難先等到放工咁呢 ~

1 點即走   因為約咗婆婆飲茶   我同家姐 & 里奧大人由唔同地方出發   諗住先到先攞位   估唔到差唔多時間到紅磡   所以就約埋一齊去酒樓度喇 ~

1 點 45 分去新星   咁 2 點做下午茶   梗係飲 2 點啦   之後家姐 & 里奧大人上去接婆婆落黎喇   今次又用 Iphone 影 d 點心   d 色真係唔錯 ~

鮮蝦腐皮卷 - 嘩   超新鮮熱辣辣呀   有驚喜   正呀

沙律長春卷 - 呢個都係新鮮炸   不過 d 餡真係得沙律醬咁囉   得一粒仔什果罐頭 d 什果

韭黃鮮蝦腸粉 - 個皮都幾薄   唔錯架   不過 d 豉油就麻麻地

薑蔥牛柏葉 - 估唔到同家姐一樣   一齊點咗牛柏葉   里奧大人唔食架   所以家姐次次都會叫 d 我想食   但無人陪食嘅點心呢   呢個好味道呀  

鮮竹牛肉球 - 無咩特別丫   因為當時已經好飽

生煎梅菜扣肉包 - 都 ok   因為第一次食梅菜扣肉餡   有新鮮感呢  

豆沙煎蕃薯餅 - 個皮煙韌   very good

客家艾茶果 - " 祛濕散寒治痛症   活血健胃定心神 "   嘩   寫到咁鬼勁   唔叫黎食都唔得啦   我初初以為係甜品   但 d 餡原來係好淡   有蝦米   但又唔係鹹   仲咬到 d 好硬嘅嘢   真係好難形容呀

飲到差唔多 3 點幾就上去婆婆屋企   因為媽咪成日話腳痛   所以婆婆就比張輪椅媽咪   咁我地又唔駛特登再買喎 ~  

坐多陣就打的走人   我同里奧大人就番屋企   家姐就拎輪椅去媽咪屋企喇 ~

超熱同超攰呀   所以又唔煮飯 lu   同里奧大人行陣德福   再去 Piago Food Court 食嘢   食完又行一陣就番屋企 lu ~