肉絲炒麵 + 節瓜鹹蛋肉片湯 ( 4-JUN-2012 )

( 4-JUN-2012  MON )

次次里奧大人好夜食橙呢   半夜都會去廁所   搞到我都瞓得唔好   今日仲係星期一添   攰上加攰   瞓得唔好   有好多骨火呀   背脊好鬼痛 ~

早餐食奶醬多   飲埋咖啡都眼瞓添   睇報紙見到寫男人講嘢 Quota 係 4,000   女人講嘢 Quota 係 12,000   唔記得係一日定係幾多添   不過我覺得女人未必真係咁多嘢講   男人有時都好多嘢講啦   口水佬我見唔少   特別係 Sales   靠把口搵食嘛   妳試下去睇樓   啲 Sales 係咁轟炸妳㗎   總知妳諗下買唔買   想買定唔想買   佢都必定有嘢講   講嘅理由仲好充分添   不過我都會不為所動   因為佢係 Sales ~

菇場開始靜 lu   好似好難先到 12 點半 Lunch Time   今日又係 Lunch Box 啦 ~

阿 Head 晏晝 Off   超級 Free 呀   所以放工都即刻走人 lu ~

今晚唔駛買餸   所以番到屋企有時間拖地   預備完晚餐就開機洗衫   今晚自己食飯先   食完諗住熨衫   不過真係好鬼攰   留番聽晚先熨 ~

是日懶餐 - 肉絲炒麵 + 節瓜鹹蛋肉片湯

肉絲炒麵 - 用滾湯嘅肉片切絲   今次用瘦梅頭   不過滾完湯其實都好 "鞋"   但唔好浪費嘛 ~

節瓜鹹蛋肉片湯 - 好耐無滾呢個湯   覺得好甜好好味呀   其實我好少覺得自己滾湯好味   所以今次好開心呀 ~

里奧大人 9 點幾先番到屋企   佢食飯時就陪佢傾下偈咁囉   食完幫佢洗埋   之後佢又要做公司嘢 lu ~