肉醬意粉 + 粟米蛋花湯 ( 26-jun-2012 )

( 26-jun-2012 tue )

woo   星期二喇   尋晚早瞓   今朝都 ok 精神咁啦 ~

早餐食到一半   8 卦又黎埋   我同家姐講   8 卦食嘢好快好快   所以如果 lunch 一定要食同一樣嘢或者唔比佢食先   咁樣我唔駛食得咁急   家姐笑住話 8 卦又會咁聽話   咁食完可以走先家嘛   不過我話 8 卦又唔制   一定要等埋我呢 ~

咩事呀   無啦啦好眼瞓呀   好想快 d lunch time   到咗 lunch time 好想瞓   諗住去埋洗手間就瞓   點知又瞓唔到   咁就食曲奇飲維他奶當 lunch   咁都幾飽下 ~

放工即去觀塘拎惠康 coupon   諗住搭巴士番屋企   咁打比家姐喺邊   估唔到佢又喺觀塘   所以佢陪我坐車番屋企   之後佢就番媽咪屋企食飯喇 ~ 

6 點半先去超市買豬肉同洋蔥   好在有得買   買完即番屋企預備晚餐   之後開機洗衫   沖完涼先食   爽呀 ~

是日懶餐 - 肉醬意粉 + 粟米蛋花湯

肉醬意粉 - 材料有 1 磅車厘茄 + 1 個洋蔥仔 + $15 枚頭 + 一大碗什豆 + 大半包意粉   今次好有心機炒   所以覺得 d 肉醬好入味   其實如果再有時間   再加埋同里奧大人一齊食嘅話   我會加埋芝士再入焗爐焗囉   咁樣仲好味 ~   

粟米蛋花湯 - 上次家姐話無味呀   所以加咗鹽   又好似好味 d 喎 ~

里奧大人差唔多 8 點半放工   等佢食埋   我幫佢洗埋   都已經 10 點   睇陣電視又要瞓覺 lu ~