泰國冬蔭功湯檬粉 ( 粟米粒 / 芫茜 / 花生 / 芽菜 / 蔥 )
馬來沙爹串燒 ( 牛肉 / 豬肉 / 雞肉 )
油鬆餅 ( 免費 )
珍多椰汁冰
( 12-sep-2012 wed )
又以為今日係星期四 搞到自己好開心 原來係星期三咋 呢兩星期都成日以為星期三係星期四 點嘅咁怪嘅呢 ~
快 d 凍啦 咁可以行遠小小食早餐 ~
尋晚同同事傾開計 佢話打簿之後知道加咗人工 我真係唔知喎 因為我無得打簿 得 statement 咋 咁今朝再問 8 卦 原來真係有加人工 超感恩呀 ~
今朝都好精神 食埋 lunch box 之後就開始眼瞓 要飲半杯白咖啡提一提神 ~
woo 阿 head 2 點半出咗去 之後有同事熄咗佢間房燈 即係佢唔番 呵呵 我可以盡情上網 lu ~
放工即走 感恩去到中醫到無人 可以即睇即針灸 今次一按條腰 大力按係無第一次咁痛架 醫師同助手都記得我第一次係痛到嗌救命呀 ~
今次 7 點 10 分就搞掂 算好快好快呢 原來里奧大人同家姐都 call 過我 但原來我教咗靜音唔知 次次都好邪 佢地好多時都同一時間 call 我架噃 ~
同家姐傾電話 點知過咗站 明明太子轉車 到咗旺角唔知點搭 最終問人 超大鄉里呢 ~
今晚家姐車箱啤酒比我 里奧大人又未番到黎 佢又驚我拎 所以叫我喺停車場等 工人幫手拎 不過要我拎 我真係無本事拎 ~
送埋工人去停車場 里奧大人就打黎話冬蔭公公有位 感恩感恩 ~
呢間冬蔭公公之前成日想食 不過好多人排隊 所以次次放棄 今晚有位就試啦 食物都唔錯 不過份量細咗 d 同埋坐位好迫 d 嘢食超快送黎 但張枱又細 真係要快快食 所以比我感覺好似想快 d 叫妳地 快 d 食完快 d 走 雖則我食嘢都好快 但我真係唔係咁鍾意咁喇 ~
番到屋企開機洗衫 平時多數開機洗衫就好自然熨埋衫 不過今晚咁頻旗樸樸好鬼攰 所以比自己休息下喇 ~
沒有留言:
發佈留言