雲吞麵 - 得豬肉嘅雲吞 @.@
蠔油生菜
難得山長水遠入到天水圍 所以又搭番 264M 去埋元朗行下喇 由天水圍去元朗近嘛 如果由九龍灣去又覺得好遠咁呢 ~
一落車見到勝利牛丸 里奧大人話想食呀 不過我唔食 因為仲好飽 ~
食完周圍行 見到正隆行又買下嘢食 之後再去通利琴行幫媽咪買飛 買完就行去千色店 次次去千色店都買到嘢比家姐 感恩呀 ~
諗住去三聯買簿 之後里奧大人走黎話第一次感覺到書局咁嘈 花市咁 話誠品都唔知係咪咁嘈 不過我睇 d 專欄作者都話誠品好似街市咁 所以真係無咩興趣去 但如果 d 書平就會去買囉 我唔會同錢作對嘛 哈哈 不過希望遲 d 唔係咁啦 台灣誠品真係超級正 我呢 d 唔睇書嘅人都覺得 2 個幾鐘都唔夠喉呀 今次去三聯 最開心係拎到工聯會課程呢 ~
行行下又見到好到底麵家 家姐之前同我講話呢間嘅蝦子撈麵好正 仲諗住我地都應該搵唔到 點知比我地見到 即入去試喇 如我所料 里奧大人就麻麻地蝦子撈麵 佢都係鍾意食濕濕地嘅嘢呢 ~
好 食完再去買大蕉同皇帝蕉 仲諗住好平 點知我覺得係貴添呀 嗚嗚嗚 ~
失策失策 無帶環保袋 買咗 4 袋嘢無手拎喇 所以買埋豬肉乾同芝麻糊就搭 268C 番屋企喇 ~
嘩 手攰腳又攰 估唔到巴士仲要 full 哂 好在等咗 10 分鐘就有車 好感恩仲有孖位坐添呀 番到屋企即沖涼呀 之後再食芝麻糊 再睇 "造王者" 大結局 爽呀 ~
家姐一生最愛嘅八哥 總知係八哥嘅嘢就好鍾意
小老闆紫菜 ( $10/包 ) - 買咗 2 包冬蔭功味 1 包蕃茄味同 1 包原味
半磅幾原味夏威夷果仁 ( $58 ) / 1 磅幾珍珠李 ( $25 )
1 磅幾紅燒魚柳 ( $55) / 1 包龍眼肉 ( $48 )
7 隻大蕉 ( $22 ) - 我平時買開係 $2 隻咋 仲要係超巨 不過見呢度有就買啦 點知 ..
7 隻皇帝蕉 ( $18 ) - 我其實好小買皇帝蕉 因為次次見到都唔靚 所以里奧大人見到就想買 因為佢鍾意食 咁就買啦 一樣咁貴
1 磅蜜汁豬肉乾 ( $80 ) - 兩年幾時間 由 $6x 買到依家 $80 一磅
沒有留言:
發佈留言