我望住呢幾箱出前一丁 覺得有 d 唔同 但又諗唔到有咩唔同 之後終於諗到 平時喺超市果 d 箱係無印住 " 餐廳專用 " 呢 4 個字架 之前里奧大人都講過話佢同事開茶餐廳 出前一丁都分唔同級嘅呢
里奧大人一早諗定同我去濕地公園 所以食完早餐 番屋企沖涼 之後就出發喇 ~
搭 269C 再轉 264M 就直接到香港濕地公園 都幾方便 ~
去買飛果陣 有個女人問有咩嘢睇 係咪只係啱小朋友睇 我話我都係第一次黎架咋 其實我想講埋 都一場黎到啦 $30 入場又唔係貴 總好過白白黎一趟就咁走嘛 ~
售票處
影相時見到兩隻蜻蜓交配 可惜飛得太快 點都影唔到
入去喇
我地去到都差唔多 1 點 45 分 咁見到有餐廳就食埋嘢再參觀 仲以為係主題餐廳 原來只不過係大家樂 ~
感恩里奧大人搵到窗口位 對住咁嘅環境食嘢真係唔錯
白鷺
雖然間間大家樂都係咁嘅格局 但覺得呢度好有環保 feel 咁 哈
事實真係無人講嘢大聲 有好幾張枱都係一家大細 但 d 小朋友都好乖 唔會亂走亂叫
完差唔多 2 點半喇 入濕地公園行喇 行下睇下 差唔多 4 點半就走喇 ~
" 貝貝之家 " 我完全睇唔到貝貝呀 後尾里奧大人指比我睇先知咋 @.@
合埋口嘅貝貝
我影完之後佢就開口 乖喇 之後佢好耐都無合埋個口 所以我覺得我相當好彩 可以影到佢合埋口 嘩哈哈
入到濕地 原來係望到天水圍屋村 咁樣唔得大自然 feel 喇
好曬呀 不過我又唔會開遮 黎得呢 d 地方就唔驚曬囉 同埋開遮好阻住人咁
唔記得咩花名 但我覺得佢個樣好肉酸同好恐怖 好似 d 會食人嘅花咁
我超級鍾意色彩繽紛嘅花 之後睇番介紹 原來有毒性 不過里奧大人話係唔同嘅花黎喎 @.@
白色流星槌 ( 水團花 )
當我中果頭埋去睇其他花嘅時候 里奧大人喺後面問我 : 妳唔驚咩 ?!?!
我即刻 tun 後 之後佢向上指 woo 好大隻蜘蛛呀 個蜘蛛網仲好大個 超級恐怖 之後好多人途經都嘩然 我相信可能得我一個無為意 發雞盲唔通 ?!
原野漫遊徑 個名好勁咁 ..
魚呀
一片綠悠悠 舒服
後面帶帽姐姐同黑超哥哥係濕地嘅人員 介紹濕地所有嘅嘢 唔知係咪叫導賞員呢 我聽到話蜻蜓喺記錄入面係有 76 款唔同品種 聽完都唔會去查記錄 因為睇見蜻蜓都毛管動呀 哈
爆竹花 - 我第一次見咋
蓮花池 ?!
水瀨的便便
蛇皮
再行入 d 睇
喺觀鳥屋睇白鷺 有 2 層 地下果層係比 d 人影相 樓上果層就有望遠鏡嘅 我初初以為支望遠鏡咁大支 又咁靚 原來係呢位哥哥仔嘅大炮黎 真係就咁睇都覺得重 隔離幾位都係大炮 不過無佢咁勁咁靚 其實之前去餐廳 個個都拎住支大炮 一家大細影嘅又係咁 阿叔又係咁 woo pro 到呢
彈塗魚 & 招潮蟹
里奧大人入咗去蝴蝶園 我就企喺條橋仔度享受涼風之際 聽到有位呀嬸話 : " 條魚大 d 可以食架喇 咪即係街市見到 d 泥鰍之嘛 " 真係聽見都無癮 咁得意嘅魚仔 係都要拉埋落食嘢度黎講嘅 嘔心
我講明唔入蝴蝶園架 我好驚周圍飛嘅物體 不過里奧大人話個蝴蝶園無料到 得幾隻蝴蝶喺度飛咋 但蟻就好多好多好多好多囉 仲恐怖
浮橋 - 溫馨提示話BB車同輪椅不得進入 我仲以為條橋會郁黎郁去添 因為我諗緊行唔行呀 我驚架 但其實條橋好穩陣嘅 可能窄 如果坐輪椅入 就會阻住後面嘅人向前行呢
包到實一實嘅工作人員 包又熱唔包又曬
4 點喇 係時候要走 ( 其實因為無嘢想行 哈哈 )
太熱太口渴喇 所以再去大家樂飲杯嘢 嘆陣冷氣先走呢 叉完電真係舒服好多呀 ~
~ 呢日未完架
沒有留言:
發佈留言