叙苑粉麵茶餐廳 @ 九龍灣 ( 6-sep-2012 )

( 6-sep-2012 thu )

早餐食腸粉   再飲埋杯咖啡   熱到我呢 ~

菇場忙咗一個鐘就 hea 啦   不過一望電腦又好快 12 點   再叮埋飯   好快就 12 點半喇   依家好多時都帶 lunch box   因為驚晏晝落雨呀   出街好煩架 ~

放工去旺角拎 $100 百佳 coupon   搭地鐵原來去油麻地係總站   點知自己佐敦落車   過咗對面線   好在望一望   原來係去唔到油麻地   原來我係唔駛落車   因為油麻地係總站   暈 ~

去到跟指示   人地 7 點收工   我 6 點半仲喺條街度搵   最後都係打比佢地   好在家樂果邊都熟咋   唔係慘喇   因為佢叫我 "捐入商場行快 d   見到地產就屈入去   再行去左手邊過對面就係架喇"   當我唔熟個環境   再加上佢咁講   我肯定暈都似 ~ 

拎完再周圍望行認下路   原來係可以行一條直路   途經美味棧   買咗 2 pack 午餐肉就走人   再去信和買金罐牛油同芝士就搭 van 仔番屋企喇 ~ 

7 點幾打比里奧大人   佢話走喇   咁我話等埋佢一齊食飯   佢收線之後再打黎問我知唔知佢喺大陸   我梗知啦   我反正唔太餓   可以等到嘛 ~

一落 van 仔行幾步   見到教友 ivy 過馬路   仲諗住嚇唔嚇佢   但佢已經見到我喇   真係搞笑   我好小呢個時間出現家嘛   咁都撞到   真係唔好做衰嘢呀   哈哈 ~  

里奧大人想食排骨炒麵   所以去叙苑開餐   8 點半落樓   到咗無耐里奧大人又到喇 ~

食完去書局買書   今次特登去買 "騎呢.weak 7.搞大咗"   因為我覺得佢地發放好多正能量   講嘢又搞笑   其實之前都買咗佢本 "騎呢.weak 7.拍拍拖"   又係好搞笑   再之前就買咗本焗曲奇嘅食譜   最近呢兩次就係跟住焗   口感同味道真係正好呢 ~