住家飯 @ 媽咪屋企 ( 20-sep-2012 )

果皮蒸鮑魚仔

茄汁花蝦

蒸黃花魚

煎鹹魚 ( 孟加拉 )

豉油雞 ( 外賣 )

炒小唐菜

炒芽菜

紅棗黑豆塘虱豬展湯

( 20-sep-2012 thu )

今朝行去搭 van 仔   又撞到教友   傾咗幾句就走人喇 ~  

如果唔兜入村載客   真係 10 分鐘肯定到餐廳   最驚喜係原來可以喺餐廳門口落車    一落車就即入餐廳   真係好過搭的士 ~

早到就食米粉餐   其實唔餓   所以食完太飽   有 d 後悔叫米粉餐   oh ~

菇場靜   已經令人好想瞓   加上又好凍   所以更加令人想瞓   8 卦個位係對住窗口嘅   佢對面同事個位最正   背向窗口   真係做咩都無人知   所以 8 卦又見到佢瞓覺   我 partner 最勁   老細會行過佢面前個位   佢都夠膽瞓   另一個黎咗幾個月嘅同事   又係成日瞓   真係差唔多日日 2 點幾就瞓   係咁中   依家就托住個頭扮望 mon   係 8 卦上次見到話我知   我自己唔舒服先咁中   但我真係有個唔舒服嘅衰樣比人知嘛   佢地唔係喎   瞓前瞓後好精神   其實咁樣瞓真係唔係咁好啦   老闆可能見到   不過唔開口話妳架咋   自己都要醒水啦   比老細開口話話就唔好嘛 ~ 

Lunch 叮蝦子麵   之後再陪 8 卦去買零食   好在買完零食就番菇場   因為落雨呀 ~

里奧大人上大陸   之後會喺深圳見客   所以應該可以 7 點幾 8 點番到屋企   不過我應承咗番媽咪屋企食飯   所以忍痛唔陪佢啦   嘩哈哈哈 ~

7 點半里奧大人話已經喺九龍灣   平時又無咁早   真係次次我唔番屋企佢就會早番咁嘅 ~   

同家姐差唔多 9 點就走喇   番到屋企里奧大人已經食完嘢做完公司嘢 lu   等我沖完涼   可以陪我睇電視   好開心呀 ~