招財福寶滋味套餐 (外賣) ( 1-FEB-2025 )

今次轉薯圈 (+$3)   我食魚柳包就夠喇   依家加到 $14   我覺得去麥當勞食嘢已經唔係平   但間唔中又好想食咁囉

( 1-FEB-2025  SAT )

今朝 7 點起身   沖埋涼洗埋頭就出發喇 ~

家姐又唔知醒起身   所以又同佢一齊行去食早餐啦 ~

鮮蝦雲吞 ($55) - 都幾好味   同埋有 8 粒都幾多

蓮蓉煎堆仔 ($29) - 諗唔到食咩   所以叫嚟食   估唔到又幾好味喎

蜜汁叉燒包 ($27) - 無咩餡料

潮州粉果 ($25)

醬皇蒸鳳爪 ($29)

食完早餐都已經 9 點半   今朝無咩嘢想買   咁直接去家姐屋企 lu ~

Berry 又係咁撲我啦   佢啲無情力真係好勁囉   撲一下等如打妳一下咁   真係比佢打到內傷呀   哈哈 ~

家姐嘅全盒

呢個全盒好似二千幾蚊   不過我覺得玻璃好重   但每格都係唔同圖案係幾特別嘅   最搞笑家姐話工人好驚打爛   洗嘅時候係逐個逐個拎入廚房洗   哈哈

食緊零食

食完就準備走開   現實的狗

我話 Berry 個肚腩就嚟掂到地下喇   之後家姐即刻叫工人抱住 Berry 磅   我話起碼有 42 磅   點知真係 42.2 磅呀   真係唔可以再肥落去喇 ~

之後工人慘喇   因為我哋都話佢肥咗好多呀   連佢媽咪都話佢肥咗好多呀   最搞笑佢成日笑家姐肥過佢   所以佢唔算肥喎   哈哈 ~

咁講開雙糧   我上次比錢比家姐過新年   之後我話出咗雙糧   所以比多一次   家姐話其實新年錢咪比咗囉   雙糧做咩仲要比 ?!   我話兩樣嘢喎   我嗰陣時都係咁比媽咪   新年錢係買新年嘢   雙糧就係額外比多一次咁之嘛   同新年錢無關   如果我無雙糧   我都唔會比多一次啦 ~

我自己坐嘅時候真係覺得凍   但 Berry 黐住我嚟坐就真係當堂覺得暖好多呀

個樣似細個嗰陣

扮乖比工人摸

12 點幾同埋家姐 姐夫食午餐   之後再同埋里奧大人一齊去搞啲嘢   本來約埋里奧大人一齊食   不過佢話新年食到好滯   所以買個包食就算 lu ~

次次我走嘅時候   佢就好想瞓覺   因為係我打擾佢嘅生活   哈哈

因為我同家姐仲係好飽   所以話食粉麵就最好   咁大家都唔想食飯嘛   哈哈 ~

我同家姐 Share 食嘅墨丸河

姐夫食嘅香滑牛筋河 ($41)

芥蘭 (加配 +$13) + 熱檸蜜 (加配 +$8)   再另外加杯凍檸茶

家姐 3 點左右都要去搞其他嘢   我哋要繼續搞 ~

差唔多 5 點先搞掂   咁同姐夫就各自番屋企喇 ~

感恩可以坐到小巴   所以好快番到屋企 lu ~

諗住食埋尋晚食剩嘅豚肉丼   點知搭電梯嘅時候   里奧大人話見人拎住麥記   佢又想食喎   咁諗住同佢堂食啦   不過佢話買番屋企食   不過咁都好呀   我沖涼先   佢買完番到屋企   我就可以開餐喇 ~

食完抖陣   等埋佢沖涼就睇 "唐人街神探 2 "   估唔到好睇喎 ~

睇完再睇陣 Youtube   今晚 10 點半唔夠都瞓喇 ~