莎樂美腸薄餅 ($36)
蕃茄煙肉意大利粉 ($30)
中華海草 (雙倍) ($18)
( 15-FEB-2025 SAT )
尋晚隻蚊喺我附近飛嚟飛去 嘈到我都瞓唔到咁滯 ~
感恩今朝 7 點起身都精神 沖埋涼就出發喇 ~
我覺得有朝都有啲凍 但同我一齊睇車嘅男仔着短袖 雖然我怕熱 但今朝都未至於要着短袖啦 哈哈 ~
里奧大人話捉到 1 隻蚊 希望唔好再有蚊出現啦 我比隻蚊咬到我塊臉有 5 個紅印 好鬼肉酸呀 ~
姐夫話家姐係都要等埋我先叫點心 不過家姐話佢掛住同糟糟傾偈先唔記得叫住一啲先喎 ~
山竹牛肉球 - 我夾咗 1 粒落碗度 之後家姐好緊張咁細細聲喺我耳邊講話妳唔好食嘛 等姐夫食 2 個 妳就食哂 2 粒乾蒸牛肉嘛 因為家姐知我鍾意食乾蒸牛肉呀 哈哈
鳳爪排骨飯
鮮蝦腐皮卷
鮮蝦三寶餃
鴛鴦燒賣皇
迷你珍珠雞 - 下次唔好食呢個先 咁食唔哂可以打包嘛 哈哈
木魚燒茄子 - 太飽喇 所以就咁食鯪魚肉算喇
藥膳雞腳 - 姐夫話叫嚟食 點知食得 1 隻 最後我同家姐要食埋去 飽嘅時候食雞腳會覺得好滯咁 哈哈
家姐之前話叫咗 5 樣驚唔飽 我話叫多樣囉 點知原來總共叫咗 8 樣 唔怪得今朝咁飽啦 ~
食完就去買嘢 家姐話我銀包都靚呀 話早就應該買啦 我話唔係唔想買係搵唔到啱嘅啫 之後佢問我可唔可以開嚟睇 ?! 我話梗係可以啦 又話我呢張係咩嘢卡 最搞笑佢話呢個咪好囉 5 百蚊紙唔駛摺埋 哈哈 之前個銀包太細 我係嗰個時刻先知 5 百蚊係大張過 1 百蚊㗎 ~
買完罐裝咖啡就番屋企喇 要快啲探 Berry 女呢 ~
每次去家姐屋企 我一定唔會着薄嘅衫 因為好驚比 Berry 啲抓整爛呀 好記得有次比佢一抓 我聽到 "勒勒" 聲 件 Tee 比佢抓爛咗呀 自此之後直頭就每次要着厚啲嘅衫同褲呀 ~
興奮狀態
好肉酸呀 家姐叫佢快啲豎番起隻耳仔呀 哈哈
Berry 今次係 41.8 磅 瘦咗 0.4 磅呀 其實同無瘦到無分別
個樣都幾精神
轉個頭就咁 哈哈
Berry 黐咗線 佢好似怕咗家姐咁 家姐行去餐枱 佢打橫嚟行避開家姐呀 真係第一次見咋 ~
同家姐又傾下偈 之後見佢好多禮盒 所以我話要拆開嚟睇呀 ~
貓夫人送比家姐嘅新年禮物
同埋工人一齊 Share 食
呢盒嘅包裝花紙好靚
都係貓夫人送㗎
家姐唔飲綠茶 咁就好喇 可以比里奧大人飲呢
家姐喺糟糟屋企抽到嘅聖誕禮物 其實上次已經話比我 不過成日太多嘢拎要留到今次先拎喇
剪髮表妹買比家姐嘅新年禮物 我問家姐想我去日本買啲咩 ?! 佢都只係叫我買呢款朱古力薯片 如果我買唔到 估唔到今年都有得食 哈哈
唔記得要拎啲咩 家姐話唔知落幾多片唔知咩 話 5 定 6 好呢 ?! 工人話 5 個半啦 真係好搞笑 之後家姐話佢講廣東話好叻㗎 諗起上次話個心好痛 嚇到家姐話帶佢睇醫生 但原來心痛原因係 Berry 唔錫佢喎 ~
幾難先叫到佢坐梳化呀
周身郁
傾傾下偈 家姐手機響 佢仲問聽唔聽好 我話唔係 3 字就要聽啦 原來係診所打嚟 叫佢約時間睇報告 咁家姐問報告係咪有事 ?! 姑娘話要見醫生先知道 叫佢揀時間嚟睇 ~
我聽完就好驚啦 但做超聲波係 12 月中 隔咗咁耐先叫睇報告 咁應該唔會有嘢啦 ~
之後我迫家姐快啲去睇報告 佢揀咗下星期 我話到時陪佢一齊睇 ~
眨下眼又已經接近 1 點 係時候走人 咁我坐喺飯廳執嘢啦 家姐把聲好驚咁話我做咩眼眉有條疤痕 之後再行嚟摸我塊臉 仲係咁話做咩眼眉有條疤痕 ?! 我話係咪光線問題呀 我坐番過啲就無啦 但佢仍然係咁摔 真係老泥都比佢摔埋出嚟 哈哈 ~
家姐 工人同 Berry 送我搭車 Berry 會慢慢行家嘛 家姐會叫我快啲行去巴士站 又會叫我叫 Berry 咁佢就會行快好多 真係好搞笑 ~
里奧大人想食濕嘢 咁就去食米線啦 ~
芒果凍 ($9) - 里奧大人上次已經話食㗎喇 今次終於試咗 但味道麻麻
里奧大人食完仲要番公司做嘢 我就有 LA 活動 今日我帶遊戲 所以要早啲到 ~
今日玩大富翁 所以時間過得好快呀 ~
活動完畢就同里奧大人搞啲嘢 感恩個半鐘就搞掂 所以同里奧大人食埋晚餐就番屋企 ~
開埋機洗衫就沖涼 之後同里奧大人睇埋 "唐人街探案 3" 同 "痞子無間道" ~
睇下 Youtube 今晚 10 點半都瞓覺喇 ~
沒有留言:
發佈留言