雜丸出前一丁 + 油麥菜苗 + 炸魚皮 (外賣) ( 21-FEB-2025 )

( 21-FEB-2025  FRI )

感恩尋晚瞓得好好呀   臨醒之前仲發夢同家姐 里奧大人去曼谷旅行   同行仲有 4 個朋友   其中一個叫阿雜   因為我哋係分開行街   夜晚再約埋一齊食飯   之後佢話帶多 4 個朋友一齊去   咁我哋話唔去喇 ~

另一個夢係里奧大人買 8 點嘅戲飛   但佢記錯咗係香港時間   所以要等多 1 個鐘   咁我帶佢去一個新嘅商場   但係好暗嘅   因為以環保做主題   之後鬧鐘響   里奧大人都起身   佢仲問我瞓得好唔好 ?!   我話好到唔想起身呀   哈哈 ~

里奧大人話佢都瞓得好呀   可能無比蚊咬呢 ~

之後里奧大人話我可以再睇番獴仔   話尋晚睇嘅 "蛇皇" 原來係之前錄咗㗎   真係搞笑   我都奇怪睇緊嘅時候係有條 Time Line 囉 ~

今朝同里奧大人出去食早餐   星期五出去食好似特別 Relax 咁㗎 ~

我搭嗰班 8 點 15 分就到   咁其實都只係啱啱先開始食緊早餐咋   所以食完去里奧大人公司坐陣先番工 ~

菇場唔忙   又可以做自己嘢喇 ~

Lunch Time 蒸完飯就出去行   落到樓下先知落毛毛雨   不過見落咗嚟就行下啦   反正又未餓嘛 ~

買完炸魚皮再買粟米就番菇場   原來已經 12 點 20 分   今次真係蒸乾水喇   因為個開關制燈係熄咗   下次都係半個鐘頭內番菇場好啲 ~

西瓜無啦啦戴口罩   但唔覺佢唔舒服   之後阿爽同 BG 又戴咗口罩   我覺得好奇怪啦   原來個客甲型流感   仲無戴口罩添呀   唔怪得頭先聽到西瓜話甲型流感會點點點啦   我頭先經過 Showroom 聽到有人講流利英文   仲以為佢哋同老闆開會   原來係鬼佬客嚟咗   佢走咗之後   佢哋即刻消毒呀 ~ 

唔忙又做自己嘢啦   今日整好冷氣   依家又好似喺雪房做嘢咁   雖然係咁打字   但啲手趾仍然凍到硬哂囉 ~

今日女廁又發生恐怖嘢   又係比船頭見到   好在佢入去先咋 ~

放工即走   番到屋企都即預備晚餐   今晚里奧大人 7 點 15 分先番到屋企   好在我煮麵咋 ~

是日晚餐 - 雜丸出前一丁 + 油麥菜苗 + 炸魚皮 (外賣)

雜丸出前一丁 - 我好想食濕嘢呀   不過里奧大人咁晏番   我就改食泰國米粉囉   間唔中煮呢啲懶餐都唔錯   反正第日又唔駛帶飯 ~

油麥菜苗 - 呢度 1 斤   因為唔想留到星期日先食埋嗰半斤呢 ~

炸魚皮 (外賣) - 里奧大人鍾意食呢間嘅炸魚皮   咁諗住留番聽晚打邊爐   不過聽晚出去食飯   所以今晚食啲先喇 ~

洗埋碗就開機洗衫   之後沖涼休息 lu ~

今晚仍然係睇 "瘩子無間道"   睇完就再睇下 Youtube ~

里奧大人 10 點半瞓喇   我就 11 點先瞓覺 ~