( 27-FEB-2025 THU )
尋晚瞓得都 OK 呀 瞓到 9 點 50 分自然醒 所以都預咗食唔到酒店提供嘅早餐呢 ~
沖埋涼就出發 咁經過食早餐嘅位置 我哋入去睇下啦 職員話已經無早餐食㗎喇 佢哋個樣仲好唔好意思咁添 不過我哋話嚟睇下個地方係點㗎咋 哈哈 ~
好好天呀 所以好熱 但又唔敢唔帶褸 因為驚商場冷氣凍呀
喺呢度直行轉左就去到金光華廣場 由酒店去真係好近呢
10 點半左右就到金光華廣場 因為要去瑞幸咖啡食早餐呀 ~
經過 Rose Cabin 見到呢杯芒果啵啵杯要 RMB19.9 都唔平 但如果有丸子或者麻糬就會今晚買嚟食 可惜佢無 哈哈
職員話呢個係 Display 如果想要就要訂喇
杜拜朱古力脏脏包 (RMB19.9) 我見好多 Youtuber 都整杜拜朱古力
黃金古早蛋糕 (RMB29.9) & 岩燒乳酪法棍 (RMB22.9) 價錢真係拍得住香港
尋晚經過瑞幸咖啡 見到餐牌有可頌 所以今朝特登嚟食早餐喇 ~
上次同 CC 講開咖啡 佢話之前去潮州 每日都飲杯瑞幸咖啡 所以叫我試下 阿花又係叫我要試下 不過其實呢間都係會去嘅 但就唔會刻意搵囉 不過里奧大人話咁出名 商場應該有啦 哈哈 ~
因為唔知啱唔啱口味 所以叫咗 1 杯咖啡再加個可頌先 ~
生椰拿鐵 (RMB32) & 火腿芝士蛋香可頌 (RMB18) - 首次點餐減 RMB20 所以呢餐就好抵喇
咖啡好滑呀 可頌係凍嘅 但估唔到口感係好鬆軟 都好食呀
@ 瑞幸咖啡 (luckin coffee)
雖然係好味道 但又唔想重覆 所以我話去食螺絲粉呀 反正都係喺地下嗰層 ~
我哋最鍾意樣樣試啲 同埋如果今次每間食店都樣樣試啲 基本上都可以食哂我想食嘅嘢㗎喇 ~
免費自助小料台 見到有酸蘿蔔就最開心 哈哈
食店有餐巾提供真係好唔錯
地方都寬敞
收藏+打卡+點讚菜品免費送紅豆沙 唔怪得我見到每個人都食紅豆沙啦 我仲同里奧大人講話可能佢哋習慣每朝食糖水 等如我哋每朝飲奶茶咖啡添
蘿蔔酸超好味呀 但好鬼辣囉 最搞笑係里奧大人以為我自己加啲辣椒碎呀
經典螺肉肉沬螺絲粉 (RMB28) & 香酥小油條 (RMB3) 兌換番係 HK$32.16 其實差唔多 1:1 咁滯 我見有啲食店寫明 1:1 可收港幣 咁都方便呀
經典螺肉肉沬螺絲粉 - 好似好大碗 但米線 (粉) 份量唔多 咁就最啱我哋 始終食粉係好快飽肚嘛 依家睇相先覺得應該加埋炸蛋 咁可以比里奧大人試多樣嘢嘛
都好多螺絲肉
香酥小油條好細條呀 雖然知道三蚊人仔唔會大條得去餐 但估唔到咁細條呀 哈哈 佢啲口感好得意呀 脆得嚟唔硬但又唔係軟 係咪好鬆化呢 ?! 我唔識形容呀
里奧大人就影到個對比喇 所以叫小油條都係啱嘅 哈哈
其實我想食脆皮肥腸㗎 可惜里奧大人唔食呢啲
套餐係抵嘅
@ 江壹村螺絲粉
食完又已經 11 點 45 分 咁又行下先 雖然尋晚嚟過 但其實無咩點行 因為好多人呀 ~
如果 Taste 轉為山姆就好喇 哈哈
我覺得好多食店裝潢都花心思
薄餅又係好抵食 不過去食嘅機會係好微 因為食完真係好滯呢
前胜點心社係買蛋糕同糕點
睇個樣已經覺得好好味咁 所以我應該之後會買嚟食 哈哈
里奧大人只係對迷你甜甜圈同重磅生巧有興趣
呢啲都吸引呀
去 TOP TOY 睇下
里奧大人最鍾意高達
更加鍾意星矢
冰糖葫蘆就唔係咁想試喇
有散貨場 買風褸都好平
尋晚喺呢間木蘭炒貨買咗黑芝麻零食
又去良品舖子睇下 岩焗吐司好似幾好味咁
香烤豬肉脯應該係最多人買嘅
3D 創意棉花糖整得好靚呀
又見到捧捧雞
如果有炒酸奶就好啦
@ POP MART
Molly 同妳打招呼
SP 全套紫色都好靚
我依家最驚見到 Labubu 因為阿爽阿蟲阿輸阿齋日日大大聲講係咪坐坐 小春野又領袖 聽到我都煩呀
Twinkle & Twinkle
Molly 都得意
PUGKY Poko's Adventure Series Figures
呢啲都得意吖
我只係鍾意 ONE PIECE 嘅 Chopper
再見
睇完就行去金光華出面睇下 我第一次行咋
有唔少食店
行一個圈即走 因為出面好熱呀 哈哈
都唔記得之前金光華係點 但就覺得依家多咗買 Figure 嘅店舖囉 咁就新潮好多啦 哈哈 同埋一定吸引到後生仔女嚟呢 ~
呢期仍然鍾意蠟筆小新
古裝公仔都靚呀
水怪
呢隻都幾得意
里奧大人只會睇星矢 但都會幫我睇小新嘅 嘻嘻
肥嘟嘟好得意呀
我鍾意佢個髮型 哈哈
呢啲星矢係店舖用嚟送比客人嘅 所以無得買呢
熊貓就無咩特別 哈哈
行到差唔多 12 點半就搭地鐵去購物公園站 車程係 15 分鐘 車費只係 RMB3 咋 ~
無咩人搭地鐵
今日好熱 所以一定要去強冷 (Low Temp) 車廂
再等 1 分鐘就有車
1 點就到購物公園站 之後一出地鐵就見到連城新天地 所以就行下先喇 以前多數喺會展中心站去連城新天地 估唔到原來購物公園站都去到 ~
@ 連城新天地
又見到瑞幸咖啡 里奧大人問我飲唔飲 ?! 不過我話唔飲呀 唔想成日去廁所 哈哈
連城新天地又唔同哂喇 不過都正常嘅
左右兩邊都係食店 咁就啱哂我喇
行下睇下 又想食嘢喇 原來已經 1 點 15 分 ~
雖然係食完嘢無耐又食咁 但可能好開心 所以成日想食嘢呀 哈哈 ~
地方唔大 但就唔迫嘅
開餐
蟹皇小籠湯包 (RMB39) - 好好味呀 有好多湯汁
蟹粉小籠湯包 (RMB28) - 呢個都 OK
鮮榨楊莓氣泡飲 (RMB12) - 好好飲呀 同埋夠凍 我都鍾意食楊梅 有次西瓜帶咗啲好大粒嘅楊莓比我哋食 真係超過好食㗎 但香港就唔見到有咁大粒囉
里奧大人話要再食多籠蟹皇小籠湯包
@ 蘇曉玥江南小吃
陳皮酒釀赤豆元宵好正咁 因為見到小丸子 不過真係食唔落喇 哈哈
食完又差唔多 2 點 咁行多陣就去 "星河 COCO Park" 喇 ~
黃油年糕好似幾好味 同埋睇個樣好似幾煙韌咁
行到盡頭喇
里奧大人話想試下迴轉火鍋
不過我話去啲新少少嘅商場食會好啲
估唔到見到 "茂昌眼鏡" 呢個老子號品牌
呢個麵包都唔錯 我其實唔係太好麵包 但就好鍾意睇
我又諗下買唔買好 里奧大人就會影低 因為我可能行行下又番轉頭買咁㗎 哈哈
香港嘅 Lay's 薯片實在太少味道喇
買咗呢包甜辣炸雞味薯片 RMB4.2 真係超級抵 後尾睇相先知原來特價 仲以為 Lay's 本身咁平添 哈哈
又見到扭蛋
TOMMY GIORGIO 個名好掂
有點兒恐怖
2 點 20 分左右就到 "星河 COCO Park" 其實依家搭地鐵真係好方便 同埋幾乎每個地鐵站都有商場 所以真係唔駛 Plan 行程都得㗎 哈哈 ~
@ 星河 COCO Park
又見到佢哋喇 CryCryCry
里奧大人話個個都得意 仲話想買個盲盒比我做生日禮物 又話 RMB70 都抵 不過我話唔要囉 我唔想之後唔鍾意又將佢擺埋一邊呀
呢 Set 非常核突 哈哈
個個都鍾意 不過點都唔會買
我表妹屋企有呢隻草泥馬 仲有長頸鹿添呀 我覺得好誇張呀
我都鍾意七仔㗎
超市嘅甜品都整得幾靚
個柿真係整到好迫真呀
禾綠壽司 我只識元綠壽司咋
行下行下 最開心係比我見到鍋盔呀 仲要係阿甘鍋盔 咁尋晚搵唔到 今日見到就點都要食啦 不過就要睇完戲先嚟食喇 ~
@ 阿甘鍋盔
我都鍾意睇蛋糕 其實係嘢食就鍾意睇㗎喇 哈哈
向前行就係平安金融中心 咁搵定路線 一陣就可以他他條條行去睇戲喇
@ 星河 COCO Park 我記得去過 COCO Park 但唔知同星河 COCO Park 有咩分別 定係同一個場呢
今日好曬又好熱
唔係餓但想食啲嘢同坐下 因為尋日又行得太多 今日對腳都仲係有啲攰呀 所以見到有間甜品舖唔錯就入去喇 ~
裝潢設計令人好舒服
楊枝金露雪花冰 (RMB42) - 雪花冰好好味呀 好棉好滑
另一邊就光脫脫
職員見啲客人食完 就會比杯熱水 呢啲細心位唔係間間做到
@ 五代同糖
食完都 3 點 45 分喇 咁開始慢慢行去平安金融中心喇 ~
我好少見到咁高嘅商業大廈
里奧大人話見到 COCO Park 我話你唔講 我都唔知有個 Logo 喺度 哈哈
唔駛 10 分鐘就行到去平安金融中心喇 所以今次係為咗睇戲先去星河 COCO Park 呢 因為知道平安金融中心無嘢行呀 哈哈 ~
地方同樣好大
好新淨
行到最前就係戲院
@ 英皇電影城 IMAX
我哋睇 "哪叱 2 之魔童鬧海"
爆谷套餐要 RMB79 但其實我好耐無喺香港睇戲 都唔知爆谷套餐係咩價錢 lu
之前講話去深圳嘅時候 我同里奧大人講話想去睇戲呀 原來佢都想㗎 之後我話生日就豪少少去 IMAX 睇吖 因為我覺得 RMB144 一張飛都好貴呀
去到就第一時間去自助拎飛啦 但出嚟嘅戲飛係 RMB45/張 所以問職員有無搞錯到 ?! 之後有 2 個講國語嘅人都係咁情況呀 最後職員講咗個原因就明白哂喇
IMAX 激光廳要 RMB275 真係超級貴呀
好大間戲院呀 都有唔少香港人去睇 我聽到有個男人講話要快啲入去呀 有次未夠鐘但一入到去已經熄哂燈咩都睇唔到呀 我聽完都忍唔住笑咗出嚟 哈哈
我哋嘅坐位係對住螢幕
其實散場㗎喇 但我哋睇埋彩蛋先走
6 點 40 分散場 完全無悶場呀 同埋有 Part 好感人呀 我都忍唔住喊出嚟 但就無拎到紙巾出嚟囉 我唔想拎嘅時候 "CC 沙沙" 有聲呀 因為我個袋有包薯片嘛 所以我要用手抹眼淚呀 ~
我第一次睇戲唔食爆谷咋 不過我覺得咁樣又唔錯喎 可以好專心睇戲 但都要套戲好睇先得嘅 哈哈 ~
咁睇啲座位好似好舒服咁 但坐落真係好舒服㗎
我影相嘅時候 有個女人都有影 不過我影相係因為唔會再嚟囉 所以要影嚟留念呀 哈哈
@ 英皇電影城 IMAX
睇完戲又行番去星河 COCO Park 因為要去食阿甘鍋盔呀 ~
好利來之前買麵包要排個幾鐘 依家去到點買都得囉 不過可能係夜晚關係 去食飯好過食包啦 哈哈
里奧大人對阿甘鍋盔念念不忘 所以我都想喺呢個旅程當中食到鍋盔呀
睇番記錄 2019 年嘅紅糖鍋盔係 RMB8 依家紅糖豆沙鍋盔都只係 RM9 即係加咗一蚊雞 真係良心食店啦 我公司附近啲食店係每年加兩蚊㗎 1 字頭食到 3 字頭呀
即叫即制 所以佢話要等 3 分鐘先有
離遠睇都感覺到熱
密密烤 但其實凍咗都好食㗎
吃盔是福 哈哈哈哈
我哋見商場有幾張櫈 所以坐喺度食啦 點知我哋一坐落去好似想反咁 嚇鬼死呀 好在隔離張櫈啱啱有人走 我哋就拿拿聲轉過去呀
去到邊都有哪叱蹤影
里奧大人鍾意 Z 高達 但我覺得隻隻都差唔多咁 哈哈
去到地鐵站都 7 點 45 分了 但我想食烤魚 所以就番金光華廣場喇 其實我鍾意食店喺酒店附近 咁食完行陣就可以好快番到酒店休息喇 ~
係咪叫列車巡查員 ?! 我見佢行咗幾轉 之後到站打卡再行番入去車廂巡邏
天籟婚紗 我初初睇到以為咩係無籟婚紗呀 因為我覺得無嘅簡體字同天係差唔多咁 哈哈
8 點鬆啲就到國貿
終於忍唔住買咗海苔小貝 (RMB15.8/200g) 同虎皮麻糬卷 (RMB17.8/3 個)
里奧大人要買杯超大1公升西瓜白桃冰茉莉 但要等呀 所以我去探魚攞位先喇 ~
@ 混果汁
尋晚經過探魚 門口位姐姐好有氣勢咁拉開張餐單比我哋睇 所以對佢好有印象 同埋食店職員全部都係後生仔女 感覺自己都好有活力咁呀 哈哈 ~
地方都大㗎 其實大陸食店間間都好大 就算唔大都唔會係迫囉
幾年無食烤魚 嗰刻真係有啲期待㗎
依家有餐前小食
我初初以為係自助醬料 心諗烤魚都咁重口味仲要加醬料 ?! 原來係食冰粉嘅
里奧大人買咗杯超大1公升西瓜白桃冰茉莉 (RMB33) 喺大陸食嘢有樣好 可以帶外來飲品 不過因為叫咗啤酒同送咗 2 杯飲品 所以最後都係拎番去酒店飲呀
德式小麥啤酒 (RMB13.9) - 里奧大人話有麥味 所以我都飲番杯喇
鍋巴好味呀
我叫里奧大人去拎冰粉吖 順便幫我睇下啲人會拎啲咩 ?! 之後佢拎咗呢碗嘢番嚟 我以為佢拎提子乾呀 再睇真啲係原味冰粉+黑糖麻糬 佢話黑糖麻糬係煙煙韌韌呀
我即刻都拎番碗啦 材料有椰椰脆+寒天晶球+燕麥爆珠+好運紅豆爆珠+冰粉 最後再加冰同桂花蜜 好好味呀
打卡送嘅酸梅湯 咁我拎完冰粉 里奧大人叫我開 Wechat 因為打卡有杯嘢送喎 之後我開完就比職員幫我整喇 佢整得快過我十倍啦 呢杯雖然係送 但都好好飲呀 夠酸又夠凍 唔會話無味咁呢
嘭嘭現炸小酥肉 (RMB22) - 又係好好味
鮮青椒蔥蔥味烤魚 (RMB158) - 我哋要微辣 所以職員幫我哋點呢條魚 我睇見青BB有啲唔開心囉 因為我想食紅噹噹麻辣嗰啲嘛 但里奧大人話妳都未試過 可能好好食呢 估唔到真係好有驚喜呀 啲蔥無臭青味 同埋無諗過係越食越辣 仲要係香辣添呀
寬粉 (RMB6.6) - 香港食好貴 依家咁平就一定叫嚟食啦 同埋知道份量唔多呢
魚肉好滑同埋無咩骨 手打肉丸又係超級好食
諗住條魚係無咩味 所以問職員拎碟辣椒粉 最後用嚟蘸酥肉食呀
青椒超級辣
真係好鬼辣 所以要食番啲甜嘢 我食咗 2 碗添呀 開心開心
里奧大人自己 "北" 嘅 今次就正好多喇 哈哈
里奧大人話 226 呀 所以要 Cap 低留念
@ 探魚烤魚
食到 9 點 45 分就走人喇 經過麵包店 我聽到有麵包做特價 我同里奧大人講話買 1 送 2 呀 ?! 佢一路大笑一路話買 2 送 1 呀 話如果妳喺度做 公司會好奇怪點解啲麵包咁快賣哂 哈哈 ~
祿嬸雞煲個名好搞笑
番到酒店當然即刻沖涼啦 今日好鬼熱呀 雖然無流哂汗 但都好想快啲沖涼囉 ~
沖埋涼抖陣就食宵夜 其實我哋好飽 不過買咗又想試下呢 ~
飲完呢杯 今晚半夜肯定要起身去廁所呀 哈哈
消夜係海苔小貝 & 虎皮麻糬卷
我覺得好食呀 小貝似蛋糕嘅口感 但係好軟滑嘅 中間有片牛油 不過我咗食 1 個咋 其他要留番聽日食 希望唔好壞啦
我話買 1 個 (RMB6.8) 里奧大人話買 3 個抵啲 所以我話每人要食個半呀 其實都好食㗎 因為有我鍾意嘅麻糬餡呀 但食完真係好飽 哈哈
今日行 15,900 步就唔覺得多喇 哈哈
同里奧大人一齊睇 "Die Hard 2" 一到廣告就會同小度玩 里奧大人問小度小度 為什麼我老婆又肥又靚 ?! 小度答不知道 真係笑爆咀呀 之後我問為什麼我老公這麼帥 ?! 佢講咗 3 個原因出嚟 又係笑鬼死我哋呀 哈哈 ~
今晚飽到胃痛呀 所以睇到差唔多 11 點半都要瞓先喇 ~
沒有留言:
發佈留言