金腿瑤柱蘿蔔糕 + 超甜粟米 ( 7-FEB-2025 )

( 7-FEB-2025  FRI )

又係瞓到差唔多天光就醒醒哋   但我想繼續瞓   不過好難先瞓得番呀   好在鬧鐘響都無話想懶床先起身呢 ~

早餐食丹麥條   尋日我諗住今朝出去食早餐   但諗諗下又唔想   所以買麵包   之後里奧大人話今日放假   真係好在買咗麵包咋 ~

菇場唔忙   繼續做自己嘢 ~

Lunch Time 蒸完飯就出去行   一出去就好凍   所以要行商場呀   又係諗住唔行咁耐   點知又行咗半個鐘   不過咁都好   起碼肯郁吖嘛   哈哈 ~

唔忙就繼續做自己嘢又 Skype 下   所以好快放工喇 ~

放工同阿花一齊行   佢話星期六唔駛番真係正好多   我話起碼唔駛有壓力番工啦   最慘星期六啲車又疏   早一班車又太早番   遲一班車又遲大到喎 ~

番到屋企都要即刻預備晚餐   始終煎糕要啲時間嘛   雖然里奧大人 6 點幾番到屋企   都要等多陣先可以開餐呀 ~

鴻福堂嘅金腿瑤柱蘿蔔糕

今次都好有心機煎㗎

是日晚餐 - 煎蘿蔔糕 + 超甜粟

煎蘿蔔糕 - 終於清哂所有蘿蔔糕   我話今次想全部切到四方型呀   但里奧大人話會煎得仲耐喎 ~

超甜粟 - 好在之前食唔哂   今日唔駛特登再去買菜 ~

洗埋碗就做小清潔   之後開埋機洗衫就沖涼 lu   里奧大人就去做運動 ~

今晚食完條粟米   覺得有啲胃酸倒流咁   可能條粟米比平時大條呀 ~

等埋里奧大人沖完涼就一齊贂 "富貴千團" 大結局   結局有啲真係估唔到   呢套劇真係好睇  最大原因係無感情線呀   哈哈 ~

里奧大人鍾意食芝士粟米片   我就鍾意食薯片多啲

牛肉條 (462.24 Yen 約 HK$23) - 原來已經過咗期 1 日   我成日以為係 2 月過期呀

估唔到幾好味   唔會好鹹   同埋質感唔係好硬

睇多陣 Youtube   今晚 10 點半都自己瞓覺先喇 ~