我買咗 $30 墨魚滑 本身想塞哂落油炸鬼入面 但覺得咁食法好似好滯咁 之後諗起可以煎墨魚餅 食唔哂可以帶飯 咁樣仲好
尋晚瞓得唔錯 今朝里奧大人鬧鐘響咗 我本身諗住想瞓下 但又瞓唔到 所以同里奧大人去食早餐喇 ~
食完就去佢公司幫下手 同阿妹 細細聲 阿壯一齊傾開比錢 Apps 之後榴槤同皇上又一齊傾 傾到過咗時間開會添 ~
今朝番崇拜 完畢就去買餸 番到屋企即開機洗衫 再熨 2 機衫 估唔到都幾攰 哈哈哈哈 ~
我鍾意買半隻燒鴨 因為一隻太多 1/4 又太少
1 點左右出去買午餐 因為我好餓呀 諗住一開即食 點知又掛住同夠妹傾偈 傾咗 15 分鐘先食呀 ~
食唔哂大半盒豬手飯 可以留番聽日帶飯
里奧大人食完要去開會 咁我就番屋企繼續熨埋嗰 1 機衫 之後再做陣小清潔就休息喇 ~
差唔多 5 點就預備晚餐 里奧大人 5 點 55 分番到屋企 感恩今晚咁早呀 ~
是日晚餐 - 鬼馬油炸鬼 + 明爐燒鴨 (外賣) + 薑蓉炒菜心
鬼馬油炸鬼 - 想食油炸鬼好耐㗎喇 但又唔想平時夜晚買番嚟就咁食 更加唔想特登去買墨魚滑 所以今朝會經過買呢兩樣嘅地方就即買嚟整啦 ~
明爐燒鴨 (外賣) - 買咗半隻 其實只係食咗 3 件咋 不過又無咩所謂 因為里奧大人會帶飯 同埋我都諗住剩咗用嚟炒 依家剩咁多仲好 咁聽晚唔駛再整多一樣餸 哈哈 ~
薑蓉炒菜心 - 午餐食剩咗啲薑蓉就用嚟炒菜心 咁樣幾好味 但估唔到咁油 我已經倒哂本身嘅油㗎 ~
洗埋碗再做陣小清潔就沖涼 之後一路食生果一路睇 "中年好聲音 3" ~
咁我都好認真聽啲參賽者唱歌 我會同里奧大人講話啲參賽者點點點 今集幾乎同評審講嘅嘢都係一樣咁滯呀 里奧大人話我好勁 我成日都會話我熱愛音樂 係一個音樂人咯 哈哈 ~
睇多陣 Youtube 今晚 10 點 45 分都瞓覺喇 ~
沒有留言:
發佈留言