Babymama: 杭苑雅致江南菜 ♡ 深圳 DAY 3 ( 28-FEB-2025 )

( 28-FEB-2025 FRI )

今朝特登 8 點 45 分起身因為我想試下酒店嘅早餐呀 ~

9 點 15 分去到都無咩人個職員見到我就話早咗起身嚟食喇我都忍唔住笑哈哈 ~

粉麵位置

因為有呢啲拌菜所以我就會食碗粥喇

粟米 / 蕃薯

炒豆干

炒粉絲

炒飯

炸唔知咩 / 煎蛋

蒸餃子

炸物

煎堆仔幾好味咁

麻糬

方包

我哋坐呢個位置

里奧大人負責拎嘅我話同佢 Share 食就可以了整體全部都係唔熱嘅但其實味道係唔錯㗎

白粥好綿可惜唔熱

RMB28 其實真係可以食到好飽㗎所以都係好抵嘅話哂自助早餐嘛同埋都算多款式呀

食完就同里奧大人再出去食早餐本來想去麥當勞食但佢無啲特別嘅早餐全部都係香港食到嘅所以又行去金光華嗰邊嘅 KFC 食早餐喇 ~

我覺得經過而唔望上去都未必知道呢間係酒店哈哈

今日又係好熱

諗住經呢度行去金光華廣場但原來太早未開門，係唔得嘅

呢幾個圓形物體唔記得有咩用途添

嚟埋今日就唔知幾時再嚟 lu

里奧大人自己影深華哈哈

下次會去小楊生煎食嘢

9 點 45 分又食嘢喇其實頭先特登食少少嘢因為要留肚食一份正式嘅早餐呢哈哈 ~

培根蛋法風燒餅 + 香脆薯餅 + 中杯美式 (RMB22)

里奧大人問我係咪好想要 ?! 可能佢見我企定定望住呀哈哈

里奧大人本身係叫培根蛋法風燒餅嘅 但職員話賣哂咁里奧大人轉大餅卷餐啦之後職員再講話有大餅卷餐再話入面啲人唔想做生意即係廚房入面啲人呀哈哈

培根蛋法風燒餅係應該配薯餅但本身比咗大餅卷餐係茶葉蛋但無轉番比我哋我係睇番 Menu 先知咋奇怪點解燒餅有蛋仲要加隻茶葉蛋又以為內地人食早餐一定要食隻蛋咁呀哈哈

酥皮包好味呀好酥脆㗎

唔明點解係 RMB24 不過我都係 Load 相先睇張單寫咩哈哈

經過麵包店又見到合桃包

黃色位置係 DANGER ZONE (危機區勿入)

10 點 15 分就番到酒店執埋嘢都 10 點 45 分係時候去 Check-Out 喇 ~

一出電梯就見到機械人

有埋天氣預告

再見

房間唔開燈都夠光

還原

辛苦里奧大人了

原來機械人泊喺度嘅我離遠以為係抽濕機之類嘅嘢添哈哈

好熱呀好在本身都係諗住行商場咋

11 點就去到國貿站今日會食埋晚餐先番香港所以好多時間行呀 ~

原來國貿站有啲咁嘅櫈幾得意喎

又見到列車巡查員

仲見到福保呀哈哈

依家應該無咩人買呢啲地鐵飛了

11 點 20 分就到皇庭廣場其實有幾個商場都想去嘅不過今日就揀最近酒店嘅始終我哋夜晚要番去酒店拎旅行袋呢唔想用咁多時間搭車呀 ~

@ 皇庭廣場

商場就當然大啦但其實個個商場都差唔多不過我又無咩所謂因為預咗行商場就係咁㗎啦 ~

丹麥號角幾好味咁其實都想買雪花酥㗎如果我拖喼就一定買好多嘢但自己拎就唔好搞喇哈哈

丹麥小熱狗就要 RMB6.8 咁都唔貴話哂酥皮呢

又見到薜記炒貨我記得喺羅湖見過所以要入去門市睇下先 ~

試食咗現拌豆干味道唔錯呀所以買咗 1 盒

RMB10.9/盒咁大盒都幾抵食

呢啲酥酥排得好整齊

整整齊齊乾乾淨淨望落去都舒服好多呀

里奧大人買咗 1 罐芭樂乾

乾果類

我想買菠蘿乾同草莓乾 咁我同職員講話樣樣要少少就可以之後職員係咁 "北" 我話唔要咁多但佢話去到收銀處講話要幾多就得多咗佢會 "北" 番出嚟最終我都只係每樣要一半因為我根本就唔想要咁多其實點解唔直接 "北" 一半比我呢 ?! 諗住我一定會買哂 ?! 里奧大人話佢 "北" 嘅份量仲多過罐裝嘅份量呀

五香冰滷條唔知咩來我初初以為係雪條

買完又周圍行下無諗過一嚟到就買嘢添不過又唔想最後先買因為一定唔記得囉 ~

里奧大人去睇手機又見到哪叱做代言人哈哈

里奧大人睇手機我就影哪叱職員都話我係嚟影相唔係嚟睇手機哈哈

真係好得意呀

最鍾意啲大牙齒笑起嚟靚好多㗎

去柿柿喜物睇下先

真係隻隻都好得意呀但堅持唔買哈哈

我一律叫佢哋做福寶哈哈

好鍾意小白同鱷魚隻杯

抹手巾都得意

意大利雪糕就無咩興趣

好似係牛肉火鍋店

就犟牛肉火鍋第一次見過犟字咋

見到盒馬鮮生就行下啦但好焗呀所以行咗 1 個圈就即走喇我熱得但唔焗得我一焗就會好易病㗎 ~

盒馬炸雞

脆皮香酥鴨價錢唔係 RMB89.9 就係 99.9

乳鴿其實有啲恐怖

細細隻東風螺

醬大骨都想試不過就會下次再嚟先試呢今次想食哂我好想食嘅嘢先呀

伊凡瑪利亞呢間就似正版俄超喇

比着以前一定買

朱古力好平呀不過屋企都仲有好多糖同朱古力所以唔買住喇

餅乾都吸引不過我其實唔係咁鍾意食哈哈

紙皮糖就有興趣喇因為口感似樂家杏仁糖呀之後里奧大人話又唔貴買包試下囉又可以同家姐 Share

商場有唔少嘅甜品店

前日喺老街就係想試呢間 "趙記傳承中國甜品" 不過要排隊所以即走 lu

又見到瑞幸咖啡但都係唔想再飲因為咖啡利尿唔想成日搵洗手間哈哈

見到丘大叔所以又去買杯嘢飲喇

一定要飲鴨屎香檸檬茶

都好多人飲呀所以要等呢

職員密密打檸檬

鴨屎香檸檬茶 (RMB21) - 好飲呀完全唔澀口

我醒起仲有海苔小貝所以即刻拎出嚟食呀因為我怕今晚拎到番屋企會變壞呀

飲完食完又周圍行下啦今日主要活動都係行下食下坐下咁㗎咋哈哈 ~

牛九張呢個招牌宮廷酥牛角餅好似幾好味咁

但見到好油咁所以我唔敢買嚟食呀

@ 酥禧塘

我試咗覺得好好味里奧大人就話買 2 包喇

其實可唔可以每樣買 1 個呢 ?!

KUMO KUMO 就無興趣喇之前又係好多港人買嚟做手信

里奧大人話男廁 Logo 好搞笑

女廁好靚好乾淨呀

前日諗住喺 the Roll"ING 買生日蛋糕不過唔見金光華有呢

摩打食堂裝潢好似機舖哈哈

自助茶水區呢啲又係細心位

今朝飲咖啡又檸茶所以成日要放水好在商場洗手間乾淨咋去到另一層洗手間估唔到每格入面都有鋅盤但水龍頭係無水囉哈哈

行到差唔多 1 點 15 分我對腳有啲攰同埋想食啲嘢呀咁見到有新彊菜所以就入去食喇 ~

餐廳出面係咁嘅

室內環境就係咁嘅

最鍾意坐卡位因為方便擺袋嘛

茶水費 (RMB6) & 紙巾 (RMB3)

香蒜烤饟 (RMB12) - 我其實鍾意原味可惜呢間無囉

羊肉串 (RMB27) - 唔係好大粒咋仲要梅花間竹係肥膏但我哋唔食肥膏㗎所以好似無咩嘢落肚咁哈哈

腊八蒜牛肉串 (RMB18) - 里奧大人話腊八蒜好味呀

@ 阿娜爾新彊菜

食完又已經 2 點係時候又行下喇哈哈 ~

因為我哋係拎旅行袋嚟嘅咁我一早都係諗住旅行袋放喺酒店食完晚飯先再番酒店拎但里奧大人話可能唔就腳我話搵唔遠嘅商場就得啦因為拎住個旅行袋都重嘛根本唔會有心機行囉依家唔駛拎住真係想行邊都得呢 ~

我睇緊點樣勾住頂帽啦但原來係個袋嚟㗎

下次想試下梳乎里

行下行下覺得有啲口渴我話想再飲杯鴨屎香檸檬茶呀今日最後一擊喇 ~

其實點解要叫鴨屎香呢 ?! 得閒去維基睇下先哈哈

超大杯鴨屎香檸檬茶 (RMB26) - 今次係走檸檬片同樣係好飲

趙記傳承嘅試食即刻拎杯比里奧大人先 之後再拎杯比自己雖然細細杯但都好足料呀

飲飲下有個後生仔拎住支清潔劑同塊布幫人抹鞋之後話幫我哋抹我哋話唔駛喇但佢都仲想跪喺度幫我哋抹不過我哋都話唔駛喇咁佢再去問隔離幾個香港女人佢哋都係好客氣話唔駛好在無比人鬧咋不過佢比人鬧我又反而覺得啲人好衰囉人哋都係搵食啫 ~

之後我走嘅時候有個男人企喺度比佢抹鞋但個男人全程睇手機㗎喎講真如果你係有心想試你就望住個男仔點抹再睇下效果唔係純粹想比人抹乾淨對鞋囉 ~

有個男人夾到隻公仔呀我哋仲開心過佢哈哈

呢個真係超級勁肉酸呀

我其實對腳有啲攰想行但又唔想行咁但如果再搵地方坐又食唔落嘢喎點知里奧大人問睇唔睇 "唐探 1900" ?! 我話好喎咁即上網買飛不過又買唔到所以要即刻去金光華買飛喇 ~

幾快就到 3 點 45 分

試咗幾好味不過都係唔買喇我驚再焗熱就無咁好味呀

今次我用支付寶搭地鐵都覺得係一件新鮮事哈哈哈哈

月台都有車站保安

做巡邏員都應該唔會肥啦日日要行咁多轉喎

4 點半左右到國貿第一時間去金光華買戲飛先 ~

我哋睇 "唐探 1900"

17:20 開場 19:37 散場

細院一間

今次買 RMB40/張就可以喇里奧大人話試下同 IMAX 有咩分別哈哈哈哈

買完飛就要番酒店放低嘢之後喺附近行陣再去金光華喇 ~

酒店係可以寄存行李 24 小時

金光華廣場其實開咗好耐但對於我嚟講都無咩問題最緊要有嘢食就得㗎喇哈哈

順德雙皮奶餐廳旺角冰室如果我住呢度一個月我就一定會試下呢啲餐廳哈哈

唔記得點解影呢張相添

金光華間 Rose Cabin 嘅焦糖可頌要 RMB16.9 同香港差唔多價錢所以我依家覺得深圳食嘢真係唔平了

火山烤腸 (RMB15.9) 呢個貴啦只係台灣腸 Size 咋同埋係好細囉真係做早餐都唔夠飽哈哈

我望落去真係有啲腳軟

5 點 15 分去到戲院 5 點 20 分準時開場 ~

@ 南國影城二期

入去喇

我哋去搵位啦見有 2 個香港女人坐咗我哋個位最離奇係我哋行到埋位佢都可以唔起身比着我就即起身都講唔好意思啦之後佢都仲唔起身喎里奧大人就幫佢睇張飛啦佢哋係坐我哋前面㗎我真心覺得佢哋唔係坐錯位囉因為佢話買 6 同 7 但點會坐咗 5 同 6 呀同埋點暗點暗都會睇清楚自己嘅坐位嘅又唔見我同里奧大人坐錯 ?! 我係覺得佢無諗過真係會有人嚟睇就真囉 ~

又可以坐到中間位置感恩感恩