今次啲昆明粟米好甜 白蘿蔔又係又清甜又多汁
豚肉片 - 我買咗 1 磅 但食幾塊就夠了
鳳城水餃 - 食剩 4 隻 呢幾晚唔煮飯 所以要擺入冰格 希望記得食啦
水魷 ($23) - 買 1 隻就夠 始終呢啲比較脹胃 我唔敢食咁多
蝦滑 ($30) - 其實食蝦滑都幾飽 不過呢幾晚唔煮就要食埋去呢
特選急凍日本蠔肉 ($59) - 我鍾意食蠔 食剩 3 隻 下次煮一品鍋都好喎 咁可以一次過食哂啲嘢 哈哈
上次食剩嘅日本珍寶仿皇帝蟹捧
仍都係上次食剩嘅本地墨魚丸 & 振興黑椒牛丸 但今晚都食剩 2 粒墨魚丸 嚟緊要快啲食埋去 唔想再有食極唔完嘅感覺呀
炸魚皮 ($18) - 今次好味喎
辣椒豉油 & 蒜蓉
( 11-JAN-2026 SUN )
今朝同里奧大人一齊食早餐 不過早餐好遲先上 所以要搭遲一班車去家姐屋企呢 咁啱家姐話佢都遲咗起身 叫我上屋企先 又會咁啱大家都遲嘅 哈哈 ~
平時我用鎖匙開門 Berry 女會吠得無咁大聲 但我一按鐘 佢就會出盡力咁大聲吠 真係袋都未放就要係咁摸佢先 等佢冷靜啲呀 ~
家姐差唔多 9 點 15 分番到屋企 因為出面好大風 家姐頭髮亂鬼哂 我話好似瞓醒頭咁 之後 U 姐將啲頭髮整到好似家姐個瞓醒頭 勁搞笑呀 ~
又係呢啲角度 哈哈哈哈
咁睇真係好大隻耳仔
啡色眼珠好靚
好似幾好味咁 不過我唔要喇 真係要減肥呀
家姐叫 U 姐幫我吉耳 有 1 隻好快搞掂 但另 1 隻真係好痛 我話唔吉喇 同埋 U 姐都話睇唔到個窿好難吉入去 之後家姐話慢慢隊入去就得囉 我話聽妳咁講都已經覺得痛啦 同埋我都記得只戴到 3 隻耳環 所以唔吉喇 ~
家姐要出貨 所以就一路做一路傾偈 佢話肥妹話要一路做嘢一路聽歌 咁先有精神做嘢喎 我話我唔可以一心二用㗎 如果我一路熨衫一路睇 Youtube 真係慢好多㗎 ~
Berry 喺我兩腿中間瞓覺 我同家姐講話我好似生仔咁呀 哈哈
佢瞓咗覺 所以我唔敢郁對腳呀 好在無抽筋咋
之後喺張毯上面瞓覺 呢張係我比家姐嘅大披肩 但家姐就當毯比 Berry 女瞓 咁都好㗎 好過擺埋一邊唔用嘛
眼瞓眼
家姐話 Berry 鼻哥窿好大個
我格硬伸隻手比佢托住下巴
傾傾下偈又聽到 Berry 瞓到有鼻鼾聲 咁嘈都瞓到真係好勁 哈哈 ~
話咁快又 11 點半喇 今日都係同家姐一齊搭地鐵 ~
我哋出門口嘅時候 家姐幫佢蓋件衫 等佢無咁凍 連我都覺得家姐屋企好凍呀
經過 A1 就買丹麥酥麵包 我覺得同家姐 Share 一條就最好 咁佢話想要個紙袋 我話無問題啦 因為我有環保袋 之後我以為佢想比同事去回收廢紙 原來佢話想要個紙袋裝住啲錢 我話紙袋好易當垃圾掉㗎喎 佢笑住話係因為要比叠錢同事 所以想用紙袋包住比佢 費時其他同事見到呀 我覺得好搞笑 ~
丹麥酥麵包 ($54/條)
今晚打邊爐 所以去黃埔買邊爐料 買完就番屋企放低 之後去樓上同街市繼續買 咁里奧大人好鍾意食招財福堡 所以我再去麥當勞買午餐先番屋企喇 ~
番到屋企已經 2 點半 咁啱里奧大人都番緊嚟 咁就好喇 因為我都開始肚餓呀 ~
黃金脆薯牛堡 ($47) 我加 $9.5 轉大大啖組合 (草莓乳酸味特飲 + 增量裝扛奉扭扭薯條) 再加個魚柳包 (+$14)
食完就整個粟米蘿蔔湯底 之後又執下嘢 里奧大人就瞓晏覺 ~
搞掂又已經 4 點半 之後睇睇下 Youtube 都瞓着 又係瞓咗半個鐘 當堂精神哂 咁啱里奧大人都起身 咁抖半個鐘就去做機喇 今次做 25 分鐘單車機 做完就番預備晚餐 里奧大人就繼續做喇 ~
今晚要 6 點半先開餐 所以叫里奧大人沖埋涼先食呀 ~
洗埋完就開機洗衫 之後沖涼休息 ~
同里奧大人一齊睇 "中年好聲音 4" 聽下歌都唔錯 ~
食完鹹要食甜
睇多陣 Youtube 今晚食咗消炎藥 10 點 40 分都開始眼瞓 所以即刻去瞓喇 ~
沒有留言:
發佈留言