滷水冬菇雞翼 + 瑤柱扒節瓜 + 油麥菜苗 ( 5-JAN-2026 )

( 5-JAN-2026  MON )

感恩瞓得唔錯   今朝鬧鐘響仲以為發緊夢添呀 ~

早餐食肉桂黑芝麻包   我覺得啲麵包口感好 Soft   但外面就係脆脆哋   如果自己整到咁就好啦   哈哈 ~

菇場忙咗 1 個鐘就搞掂   又可以做自己嘢喇 ~

阿輸突然好大聲問阿怪點解今次寫中文 ?!   我聽到阿怪好細聲又甩甩咳咳咁答佢   咁即係又係佢有問題啦   因為佢次次做錯嘢都係咁 ~

之後阿輸話佢做咩又入 $600   同埋個戶口已經有 4 千幾蚊做咩要入 ?!   阿怪話唔想煩   仲話係都要入   但阿輸話唔會比入   每年 $600 都仲有幾年扣啦   阿怪同阿輸講話第時如果要煩就煩妳   阿輸都無理佢 ~

真係黐黐哋線   之前已經未夠期就找定數   一係就找埋下個月數   最離譜係唔追個客幾個月租   咁豪就用自己錢填啦   真係不知所謂 ~

Lunch Time 蒸完飯就出去 Mikiki 行陣   最後買埋蕃埋薯就番菇場開餐喇 ~

唔忙又做自己嘢   咁啲時候就過得超級快呢 ~

番到屋企都預備晚餐   但都要 6 點 40 分先食得呀 ~

是日晚餐 - 滷水冬菇雞翼 + 瑤柱扒節瓜 + 油麥菜苗

滷水冬菇雞翼 - 今次整得好好食呀   因為係用李錦記嘅五白滷水汁   哈哈   但次次都整到啲雞翼爛哂就好樣衰囉 ~

瑤柱扒節瓜 - 想清哂啲瑤柱呀   咁啱之前買咗節瓜就啱哂喇 ~

油麥菜苗 - 終於食哂   又可以記少一樣嘢   哈哈 ~

洗埋碗就抖陣   咁膝頭哥唔係咁痛就同里奧大人一齊去做機啦   做咗半個鐘又好似好啲 ~

沖埋涼就休息   睇下 Youtube 又已經 11 點 15 分   係時候瞓喇 ~