招財牛堡套餐 (外賣) ( 20-JAN-2026 )

里奧大人係想食黃金脆薯牛堡   但佢買錯招財牛堡   不過我話唔緊要啦   下次再食過囉

( 20-JAN-2026  TUE )

感恩一覺瞓天光   但應該瞓到 7 點左右   如果瞓到 7 點半就好啦   哈哈 ~

早餐食紙杯蛋糕   味道都唔錯 ~

食完就去里奧大人公司坐陣先番工   呢排唔係咁想咁早番公司   哈哈 ~

菇場忙咗一陣   又可以 Hea 過喇 ~

Lunch Time 蒸好飯就出去買翠玉瓜同茄子同 2 個洋蔥   最後買埋 2 斤台灣腰芒就番菇場   阿齋話我好早番到嚟   我話啲嘢好重呀   唔想行咁耐囉 ~

忙到 3 點半   咁打後啲時間就好易過喇   哈哈 ~

放工即走   里奧大人成日問我食唔食麥當勞 ?!   我話唔食   但覺得佢真係好想食囉   所以我話今晚唔煮啦   佢即刻話一陣落單   幾咁快手快腳呀   哈哈 ~

佢一入屋   我話你拎漏咗杯汽水呀 ?!   佢話我就咁食個包之嘛   仲話頭先問我   我話只係食個包喎   我以為佢講個包係指招財牛堡呢個包呀   因為我係圈住個套餐   以為佢驚買錯再 Confirm 呢 ~

我覺得自己唔會咁論盡圈住買一個包嘅相   之後睇番我係團住套餐張相   里奧大人話係佢錯   哈哈 ~

食完抖陣就去做機   因為里奧大人要等機   所以我終於做咗 30 分鐘機   咁里奧大人就繼續做   我就番屋企先喇 ~

沖埋涼再開機洗衫   之後里奧大人都番到屋企   等埋佢沖涼就食蕃薯糖水 ~

呢排多數睇 Shorts   感覺無咁悶   所以一睇就會睇好耐   不過今晚有啲攰   睇到 10 點半都瞓覺 lu ~