咖哩豚肉意粉 + 辣菜脯翠玉瓜粒 + 皮蛋酸薑 ( 22-JAN-2026 )

( 22-JAN-2026  THU )

感恩一覺瞓到 7 點 18 分呀   懶多一陣床都起身 lu ~

早餐食甜餐包搽花生醬   里奧大人就食提子包 ~

食完去里奧大人公司坐下   家姐 Whatsapp 叫我揀香宮糕點   不過我頭先同咗阿妹訂咗蘿蔔糕呀   家姐以為我幫佢慳錢   哈哈 ~

咁我又會買啲賀年小食同家姐 Share   咁佢問我咩係中果 ?!   我即問阿妹   之後佢比張相比我睇   咁我自己再搵啦   搵到又再比番張相比佢   佢話我好勁喎   仲話頭先問咗老中嫩都唔知係咩嚟   妳老公話妳叻就叻在喺搵嘢食方面   哈哈 ~

菇場超級忙呀   真係好邪囉   頭先仲同家姐講話一陣番公司睇下有咩要再買添 ~

Lunch Time 蒸完飯就去 Mikiki 行下   因為想買提子   之後行夠半個鐘就番菇場開餐喇 ~

韓國香印青提子 ($35) & 福岡秋香園袋裝本菇 ($19.9/2 件)

家姐想要杏仁條   但我講錯蝴蝶酥   不過我都驚搞錯   所以打去搵阿妹問清楚   佢好愕然我係搵佢喎   因為我多數搵里奧大人同埋會按住個口好細聲講嘢   佢話我今日把聲好高音唔似平時呀   我話咪因為無按住個口講嘢囉   哈哈 ~

唔忙又做自己嘢   所以好快放工 ~

番到屋企已經見到里奧大人

是日晚餐 - 咖哩豚肉意粉 + 辣菜脯翠玉瓜粒 + 皮蛋酸薑

咖哩豚肉意粉 - 執櫃桶見到有幾包咖哩醬料   係時候食埋去喇   雖然係年中到期   但有時擺下擺下好易過期㗎 ~  

辣菜脯翠玉瓜粒 - 加辣菜脯無咁單調   咁里奧大人就會食得多啲 ~

皮蛋酸薑 - 突然好想食呀   所以即刻整喇 ~

洗埋碗抖陣就同里奧大人去做機   今次都係做 25 分鐘就夠了 ~

沖埋涼就休息   等埋里奧大人番嚟就食提子喇 ~

打下機又睇下 Youtube   今晚有啲攰   10 點半都瞓覺 lu ~