黃豆醬焗雞翼 + 臘肉燜翠玉瓜粒 ( 7-JAN-2026 )

( 7-JAN-2026  WED )

尋晚去完廁所   感恩都好快瞓得番   之後瞓到 7 點 21 分都醒咗   咁起身整早餐 lu ~

早餐食芝士卷   本身諗住早餐食蛋糕仔   但天氣凍冰冰都係想食啲熱辣辣嘅麵包呢 ~

家姐每次覺得凍就會叫我着多件衫   同里奧大人一樣   哈哈   Whatsapp 有時好奇怪   成日最後上線時間都唔準嘅

里奧大人要早啲番公司   咁我都同佢一齊出門口喇   佢又唔記得拎背囊   真係好搞笑囉 ~

菇場唔忙   又可以做自己嘢喇 ~

Lunch Time 蒸完飯就出去行下   一出去覺得超級勁凍呀   我要拉番外套拉鍊先覺得無咁凍咋 ~

行下睇下   最完菜再去買雞骨草比里奧大人就番菇場開餐喇 ~

唔忙就執下文件   因為想比自己對眼抖下   哈哈 ~

放工即走   番到屋企已經見到里奧大人   咁我都快啲預備晚餐 lu   今晚想食辛辣麵   但就會煮白飯做聽日 Lunch Box 嘅   所以里奧大人以為食麵就無飯帶呀   哈哈 ~

是日晚餐 - 黃豆醬焗雞翼 + 臘肉燜翠玉瓜粒

黃豆醬焗雞翼 - 今晚覺得啲雞翼唔係咁夠   所以焗多 2 條辣肉腸   係之前喺成興隆買嘅日本福岡香辣豬肉腸   味道都唔錯喎 ~

臘肉燜翠玉瓜粒 - 尋晚特登留番啲臘肉   今晚再加啲豉油燜翠玉瓜   咁都好味道㗎 ~

洗埋碗抖陣就同里奧大人去做機   今晚仍然係做單車機   但做 25 分鐘就夠喇 ~

番到屋企即刻開機洗衫   之後沖涼休息喇 ~

睇下 Youtube 又打下機   但呢兩晚天氣好凍   我 10 點半就已經要瞓覺呢 ~