住家飯 @ 姑奶屋企 ( 13-JAN-2026 )

蕎菜炒豆腐 - 我第一次食蕎菜   有啲蕎頭味好特別   但 Y 姑話我上次話鍾意食就特登整比我食   不過我話第一次食咋喎

炸豬扒 - 呢度係 1 塊嚟嘅   我以為係食係剩添呀   因為切得太碎喇

煎椰菜豬肉餃子 - 我話要食餃子   但無諗過得 8 隻咁少   因為唔係得我食嘛   但原來 V 姐係包咗好多   咁我就唔食飯喇   佢之後再煎多 20 隻   Y 姑話熱辣辣好食好多   我話妳都知呀呢

老虎斑 - Y 姑問食咩餸   我話一定要有魚   哈哈   因為我唔會煮呢啲魚呀

蕃茄薯仔魚湯 - Y 姑買咗 7 條紅衫魚   之後 V 姐再加多冰格嗰 5 條紅衫魚   不過我覺得個湯有啲鹹

( 13-JAN-2026  TUE )

尋晚半夜去完廁所   好耐先瞓得番呀   今朝起身有啲難度 ~

早餐仍然食丹麥酥麵包   剪開一粒粒真係易食好多   哈哈 ~

食完就去里奧大人公司坐陣先番工   難得仲係 3D ~

菇場唔忙   又做自己嘢喇 ~

Lunch Time 蒸完飯就去 Mikiki 行下   都係行半個鐘就番菇場開餐 lu ~

唔忙又做自己嘢   不過有啲眼瞓   始終尋晚瞓得唔好呢 ~

放工約埋里奧大人坐同一班車去 Y 姑屋企食飯   去到坐多陣就有得食喇 ~

食完飯又傾下偈啦   Y 姑問我婆婆仲喺度 ?!   我即刻發火話佢   話妳已經唔係第一次咁問   妳咁問人真係好有問題呀   妳應該問婆婆身體點樣呀 ?!   無可能問喺唔喺度囉   妳好似咒緊我阿婆咁   同埋妳呢句說話令到我好反感   之後里奧大人就話 Y 姑問得又係好有問題   點會咁問人嘢㗎   依家同妳講咗點問   妳下次就咁問啦   我話以後唔好問就可以㗎喇 ~

不過我都係嬲嗰下   之後都有繼續傾偈嘅   我依家唔會咁蠢成日嬲人嬲咁耐呀 ~

8 點左右走喇   計好時間搭巴士   點知突然搞肚痛   好在咁啱要去 APM 咋 ~

我頭先先同里奧大人講我食凍嘅嘢係好易肚痛   唔係成日只係話 Y 姑   之後佢知我搞肚痛   咁我又行得好快   加上去洗手間又耐喎   當我洗手嘅時候佢打比我   話好驚我暈咗呀   咁我出嚟嘅時候   佢個樣好慘咁話妳食咗凍嘢就搞肚痛   我話我無呃你喎   你都見我次次都食好少餸啦   只係食魚   因為係最熱呀 ~

番到屋企即開機洗衫   之後沖涼休息 ~

同里奧大人一齊睇 "沖遊泰國 11"   佢 10 點 10 分都瞓喇   我就睇多陣 Youtube   睇到 10 點 48 分先瞓呀 ~