五指毛桃雞 (外賣) + 超甜粟米 ( 15-JAN-2026 )

白飯 + 糖水 (+$10)   我加咗 2 份

糖水好多料   我覺得好好食呀

( 15-JAN-2026  THU )

感恩一覺瞓天光呀   想轉身睇幾點嘅時候就啱啱鬧鐘響喇 ~

早餐食菠蘿包   間唔中又想食甜嘢 ~

菇場唔忙   又做自己嘢了 ~

Lunch Time 蒸完飯就去 Mikiki 行陣   之後去 DAISO 買保溫袋比自己   最後再去 iEAT 買 8 個韓國柿   買完就番菇場開餐喇 ~

船頭話譚仔依家好貴   佢買咗兩個餸加個細土匪雞翼要 $88 呀   之後話依家帶飯就覺得出街食貴喇   同埋 1 條素菜卷要 $14 仲要唔係大條   再話以前同阿花 Share 就唔覺貴   因為阿花鍾意食啲 Cheap 餸   仲話依家好對阿花唔住   哈哈 ~

唔忙又做自己嘢   放工去大家樂晚五指毛桃雞先番屋企   今日里奧大人放假   咁我 6 點幾番到屋企   佢就好奇怪點解我咁晏先番到嚟 ~

我話買咗隻雞   佢話唔係買完就食得咩 ?!   我話想整手撕雞嘛   但佢聽到整壽司雞   所以走埋嚟睇我點整   哈哈哈哈 ~

呢兩日飲菊花杞子   不過唔知係咪寒得滯   飲完成日好反胃   好在屋企有蕎頭   我食咗成 10 粒先有胃口食飯咋 ~

洗埋碗就抖陣   同里奧大人去做機   我其實好攰   不過都想郁下   所以做 20 分鐘就夠喇 ~

里奧大人熨咗 2 機衫同開機洗衫   咁我沖完涼就可以休息休息 ~

同里奧大人一齊睇 "沖遊泰國 11"   睇完又睇下 Youtube   不過今晚真係有啲攰   所以10 點半都瞓覺 lu ~