四季海鮮宴 (半席 $1,500)
海蜇拚乳豬件 - 呢兩樣都鍾意食 我見到真係好開心 哈哈
黃金海蝦 - 好好味呀 同埋都幾大隻 所以食得好滿足呀
避風塘肉蟹 2 隻 - 避風塘料好辣 我唔係幾敢食
豉汁蒸龍盤鱔 - 我食咗 1 件 細個成日食鱔 真係食到有啲驚
新志興燒鵝 (半隻) - 食咗兩件 因為我想食酸梅醬呀 哈哈
瑤柱扒豆苗 - 我覺得比較油
鹹菜豬肚浸大蜆 - 呢碟係最後先上 所以幾乎無食過咁滯 因為大家都已經好飽
西洋菜燉豬肺湯 - 呢個湯真係好正 我飲咗兩碗
鮑汁燜伊麵 - 佢哋話好食
生炒糯米飯 - 食咗兩啖 夠味但糯米比較腍 如果夠煙韌 我就會食兩碗 哈哈
( 17-JAN-2026 SAT )
尋晚去咗 2 次廁所 雖然瞓得番同埋 8 點先起身 但今朝都有啲攰 ~
早餐食煙肉芝士迷你酥 雖然好味但今次好油咁呀 等我仲焗 3 個添 咁肯定可以頂到 1 點半呀 哈哈 ~
菇場唔忙 又做自己嘢啦 ~
放工買埋米線就去里奧大人公司 食埋今次要停一停先 ~
豬潤+雞翼酸辣米線 我要中辣 今次真係好辣 我食嘅時候要食下停下呀
魚皮餃+豬軟骨酸辣米線 里奧大人小辣就無問題
里奧大人公司嘅手信 我想食好耐㗎喇 所以食咗件曲奇
原來有 2 Pack 好在我之前無買咋 唔係一定食唔哂呀
食完諗住抖下 點知阿妹又番番嚟公司 因為佢買咗生日蛋糕比叻叻 咁我都一齊同佢慶祝喇 ~
我只係唱生日歌 因為真係食唔落蛋糕呀
今日參加 LA 活動 完畢就同黑珍珠傾偈 好感恩終於有機會單對單傾偈喇 仲傾到 5 點半 因為里奧大人咁啱打嚟問咩事 ?! 咁耐都唔搵佢 哈哈 ~
我要番崇拜嘛 之後里奧大人話姑奶約我哋食飯 所以 7 點未夠都要走喇 ~
姑奶兩公婆喺地鐵站接我哋 姑奶話我行路好辛苦 我話對鞋唔係咁啱 Size 要就住嚟行 之後佢翹住我隻手行 第一次一齊咁樣行咋 感覺好親切好舒服 哈哈 ~
可能我都慣比人翹住人隻手嚟行啦 因為家姐成日都係咁 特別係冬天 如果平時就多數拖住手一齊行 呢啲真係由細到大嘅習慣呢 ~
兒甥仔話上次同 6 個男同事一齊叫咗半席都食唔哂 話叫埋舅父舅母啦 難得彩虹又咁近 ~
今晚 7 大 2 小都叫做食得哂㗎喇 佢哋話我食咁少嘢 我話午餐食咗米線好飽呀 所以基本上都係傾偈多 始終又唔係成日見到嘛 ~
食下傾下又到 9 點 係時候走人 lu ~
同里奧大人搭巴士 佢話想食豆腐花 咁同佢去大生買啦 我叫佢睇清楚係豆腐定豆腐花先好買呀 ~
番到屋企都即刻沖涼休息 咁睇多陣電視 今晚 11 點都瞓覺 lu ~
沒有留言:
發佈留言