很久不見的晚餐

嘩哈哈哈...唔寫 blog 唔得喇...因為老細出左去呀...太好喇...

今朝食左奶油多 + 熱檸茶..$14(唔知係咪杯熱檸無落糖...所以好澀...飲到想反胃呢)...

今日如我所料...又係無野做...所以都係睇下 blog 同報紙...msn 咁過日囉...死未...

尋晚食滯左...所以想食 d 刺激味蕾既野...就叫左外賣...酸辣魚片 + 麻辣牛丸米線...$23...好貴呀...不過個衰鬼米線又係好好食既...好滑嘟嘟...而個湯底又係唔錯既...

今晚里奧大人同客食晚飯...所以我就趁機番媽咪屋企食晚飯...見下家姐...同埋見我深愛既朱朱呢...我叫媽咪煲豬潤瘦肉粥...媽咪第一句就問 : 妳唔舒服呀 ?!?!我話唔係...因為好想食豬潤補下血啫...唔通真係從古至今都係有病先食粥 ??之後媽咪打黎話 d 粥加江瑤柱同皮旦一齊煲喎...我話加咩都好啦...唔洗我煮就咩都好架喇...由於今晚又食又拎 (帶飯番公司食) 既關係...所以媽咪就叫工人煮多幾樣餸...就係炒麵...炸雞亦同菜心...我仲會買油炸鬼同油脷酥添...太開心喇....因為唔洗煩食 d 咩呀...不過里奧大人就慘 d 喇...因為唔可以同個靚靚靚老婆食晚飯...無辦法啦...social 嘛...邊樹叫我又大洗又大食咩...里奧大人...辛苦你喇...