加速燃燒脂肪法 不用錢的只要慶就可以了 ( AUG-2007 )

尋晚起身去咗幾次廁所   又發惡夢   所以好似無訓過咁   十萬個慘呀 ~

今日早餐食腿蛋治 + 吊命熱鴛鴦 ($13) ~

晏晝約咗表妹去 Pizza Hut   一去到表妹就送咗本書比我呀   呢本書對我讀輔導初班有幫助   好感動呀   我哋食咗 2 人餐 (忌廉雞湯 2 客 + 意式風情迷你批 + 焗釀蟹蓋拚魚圈 + 百事)   再加多個三文魚卷   但點解我都係麻麻哋飽...梗係慶得滯喇 ~

加速咗燃燒脂肪嘅速度   因咩慶   咪又係婆婆單嘢囉   講下講下   原來個個都好不滿婆婆啲所為   好心做仔女既就開門見山講婆婆有咩唔啱啦   成日鬧人係咪情緒有問題呢   係就拿拿聲去搵啲專業輔導睇下   唔係越嚟越嚴重就大鑊㗎喇   仲有一樣仲慶呀   就係表妹話今朝打電話比婆婆   話嗰晚因為要喺屋企教琴   所以要 9 點先到   問下有無問題   點知婆婆發脾四話咁遲   食咩呀   食屎啦   之後仲 "Cup" 線   有無搞錯呀   好心問下妳   妳咁既態度仲 "Cup" 線   有無過份啲呀   話哂都係妳個孫吖   洗唔洗咁呀   尊重下人好喎   表妹好唔開心   眼濕濕好想喊   好驚呀   我第一次見佢咁澈動咋   最後我咪話唔想去咪唔好去囉   事實真係有野做   又唔係特登唔去   仍係話比妳知妳所做野行為令到我好不滿呀   最頂癮係表妹同我講婆婆都知好少人會到   話不如取消   點知舅父話唔好喎   我想請問點解唔好呀   無謂嘥咗張枱嘛   而去嘅又唔係好開心咁去   係被迫咁去   因為要取消原有嘅約會   咪食得唔開心   都唔知啲大人諗咩嘅 ~

之後表妹陪我行番公司   又要開工 lu   不過又係無嘢做   所以就寫 Blog 過活 ~

今晚應該灼通菜同整雞扒   但仲未諗到點煮件雞扒呢 ~