因為要去奶奶屋企食飯 而里奧大人又唔無咁早收工 所以我就上媽咪屋企坐喇
坐咗無耐媽咪又去睇大戲喎 所以唯有同朱朱玩自拍 不過朱朱好憎影相 因為一見我將相機對住佢 佢就會擰埋臉 串爆 但我又唔敢 "翁" 塊臉咁埋 驚佢咬我呀 佢真係會咬人架
里奧大人 7 點放工 所以 join 埋一齊去奶奶屋企食飯
呢餐飯唔多掂呀 魚湯 d 魚煎燶咗 d 湯又好鹹 南乳齋係隔夜 鹹酸菜豬肉同雞係前日喺鄉下拎落黎 走咗之後同里奧大人講有無搞錯呀 難得亞仔番黎食飯 食隔幾夜嘅餸 食壞人咩
唉 頭先只係食菜同飯 唔係咁飽 所以去麥記食新地 食完真係飽哂喇
食完就去取消保險箱 唔知係咪因為官塘會重建關係而唔要恆生呢 無咗保險箱真係好唔方便 都唔知將 d 手飾擺喺邊度好 放喺屋企好唔安全家嘛
沒有留言:
發佈留言