住家飯 @ 媽咪屋企 + 瑜珈 + blog 友短聚

尋日巧緊張   因為放工要見 blog 友  卡姑   佢呢   係都要格梗比 d 手信我喎   但其實我知佢係巧想見我真人就真呢 

卡姑之前一晚已經 sms 比我架喇   但我好早熄電話   所以朝早先收到佢個 sms 呢   佢仲話以為我比假電話號碼佢添   哎喲   我係好人黎家嘛   仲要係好人到唔恨果隻喎   點解佢要咁樣 hurt 我架

真係唔好意思   第一次見就遲咗 5 分鐘    因為我記錯時間囉   雖然第一次見卡姑   但 d 感覺好似好熟咁   真係要多謝 msn 喇   因為我地日日番工都會由番工 m 到放工呢

佢好計客氣   比咗袋手信我呀   搞到我唔好意思呢   我唔係一個咁為食嘅人黎家嘛

之後格硬迫佢同我影相   仲要喺超多人流嘅地鐵站影   我又唔多識自拍   又要就番三七臉   所以一定要卡姑出手先影到咋   如果唔係都唔知要影到幾時啊 


其實我已經同佢講咗千千萬萬次我係好人   但我相信佢都係好驚我   因為我望到佢隻手好好好好好好好好震呢

卡姑趕時間   所以比完手信再影埋相就要道別喇   下次要再約出黎食飯先   因為唔見得唔夠喉呀

之後我就  join 埋家姐行去學瑜珈   兩個星期無玩   一路玩一路覺得超辛苦呀 

放學就同家姐去媽咪屋企食飯   睇下電視   估唔到 " 與敵同行 " 又幾好睇喎


   

      

 

今朝同媽咪 朱朱食早餐   雖然攰   但勁開心呢

番到菇場做下嘢咁   不過全日坐真係幾辛苦   坐到腰骨都痛呀 

晏晝同里奧大人又去下村食嘢   咖哩雞飯套餐 + 炒米粉   個咖哩雞絕對絕對唔掂   毫無味道可言   個米粉呢   雖然係白雪雪又無料   但我又好鍾意食喎