打邊爐 @ 京都

( 酒樓送嘅海鮮船   食咗兩隻蝦  其他無食到   用黎做湯底 )

( 魷魚 - 必食  因為爽爽地好好味 )

( 牛柏葉 + 鯇魚片 -  d 魚好腥 )

( 炸魚皮 -  肚餓食嘅時候就好鬆化   飽嘅時候食就咬崩牙 )

( 肥牛  - 好肥果隻 )

( 手打墨魚滑 - 一 d 味都無 )

( 芝士腸 - 痴計線  咁計多條  食腸都食到滯 )

( 豬潤 - 我鍾意食豬潤   但睇見生勾勾嘅豬潤當堂反胃 )

( 辣椒 + 豉油 - 打邊爐嘅靈魂 )

( 啤酒 - 男人打邊爐必飲 )

上星期日里奧大人話想打邊爐   但我唔舒服所以唔打

就係因為無打到   所以成日都覺得有 d 嘢 "銀" 住 "銀" 住無做咁   於是尋晚就決定補番同里奧大人去打邊爐喇 

呢家經濟唔好   好多酒樓都會做 promo 或者會送 d 咩咩咁黎扮益街坊   其實咩計都加埋落個價度架啦

之前呢間酒樓要 $120/位 (包湯底 + 任飲汽水 + 花生 + 辣椒醬 + 加一 )   依家就 $100/位 (包湯底 + 任飲汽水 + 花生 + 辣椒醬 + 加一 + 一條 cheap cheap 海鮮船 )   我同里奧大人 9 點後去   所以只係 $89 / 位   咁又真係幾抵嘅   因為自己整打邊爐真係好計煩呢  

第一次同里奧大人咁夜打邊爐   d 感覺好新鮮呀

因為食得太飽   所以要成 12 點先瞓得


 

  

      

今朝又幾好噃   因為唔係覺得好攰   可能因為熟睡啦   我睡眠質素好差   所以好難有覺好瞓架 

又係諗唔到食咩   所以又食芝蛋治烘底 + 奶茶 ( $16 )   今次真係太飽食唔哂喇

基本上我唔會喺咁熱嘅天氣食粥   但我實在太滯喇   所以同里奧大人去食粥    食食下里奧大人話喉嚨有 d 唔舒服   同埋有粒睇唔到但摸到嘅大暗蒼   我咪話尋晚唔應該打邊爐啦   佢話因為我想打喎   聽完好心痛添   所以拿拿臨出錢買杯楊桃雪梨比佢滋潤下呀