尋日里奧大人終於做完份功課 所以要去灣仔交功課 之後就 join 埋我喺銅鑼灣等
我好怕搭地鐵出銅鑼灣 因為出去 time square 條路好似行幾年都行唔完咁 又肚餓又熱喎 行完都差 d 頭暈咁滯呀
路經么鳳 買咗 d 零食 口多多問九龍城果間真定假 佢地話係假架 九龍無開分店架 我當堂掹到想殺人 因為上次我去咗九龍城買咗幾百蚊佢地出名嘅鹹酸濕同零食 原來買咗翻版 唔怪之得媽咪話唔好食啦
同里奧大人去文輝食紫菜墨魚丸河粉 + 炸魚皮 果度地方勁細 簡直係要夾埋對手黎食 又要搭枱 不過見人多所以去食 但原來唔係咁好食啫 都唔知點解咁多人去食嘅
食完同里奧大人去薄扶林拜老爺 之後再出旺角掃街
食咗胡椒包 + 愛爾蘭瘋薯 + 肥姐鹵味 好小同里奧大人掃街 所以突然覺得好有上次去台灣掃街嘅感覺呀
( 我覺得勁唔好食 同台灣根本無得比 )
( 愛爾蘭瘋薯 - 有10幾人排隊 但 cashier 話等10 分鐘左右就 ok 所以買咗芝士薯條 )
( 呢度只係排隊買飛咋 入面仲有成 10 個等食薯條架 )
( 用電子磅計算份量 份份一樣 )
( 招牌芝士薯條 )
( 成 "抽" 芝士 所以好計漏 )
( 個底仲有好多芝士 食完真係可以唔駛食飯 細食嘅話 )
( 又係有人排隊 但味道一般啫 影完呢個招牌先發現佢地寫明唔比影相 等我仲開埋閃光燈添 好在無比人鬧咋 唔係真係勁 "火羅" 呀 )
不過無咩必要都唔會出旺角 因為實在太太太太多人喇
食飽之後就去 pccw 攞 mini hifi 組合 之後就番屋企 lu
其實番到屋企仲係好飽 但又想睇 "與敵同行" 大結局 所以唔肚餓都要出去食飯 我叫香茅豬扒飯 但叫完真係食唔落 變咗打包番屋企食 再加埋碗隔夜湯 真係超飽呢
今朝又係去教會附近食完早餐 就可以輕輕鬆鬆 lu
崇拜完之後又係同里奧大人遊街市 買咗 d 凍肉凍魚柳 唔想再比藉口唔煮飯喇
當將你的事交托耶和華, 並倚靠他, 他必成全 ( 詩篇 37 : 5 )
沒有留言:
發佈留言