魚皮餃水餃烏冬 + 煎雞翼 + 韭菜花 + 菜干白菜紅蘿蔔豬骨湯 @ 媽咪屋企 + 瑜珈

尋晚又要做瑜珈   不過家姐唔番   無得 share 食包   唔知係咪因為咁   所以今次玩得勁辛苦   好似無咩力咁   有 d 招式又難到嘔電   玩完都無哂力   我朋友仲話辛苦過擔泥添呀

我太肥喇   所以做瑜珈好辛苦   因為個腩好 "阻訂"   搞到做唔到 d 動作
miss 話瑜珈可以玩到 80歲   我覺得無可能   因為到時 d 骨都脆啦   點做呀   耍太極就可以玩到 80 歲喇

做完又係番媽咪屋企食飯兼過夜   做完運動唔多想食飯   所以叫媽咪整烏冬   濕濕地易入口嘛   媽咪整咗魚皮餃水餃烏冬 (魚湯底) +煎雞翼 + 韭菜花 + 菜干白菜紅蘿蔔豬骨湯   勁飽呀

之後食橙   係新奇士橙   但超酸囉   撞計   仲以為新奇士超甜添   真係 law lee jin 呀 


  

         

今朝 7 點起身喇   因為同媽咪 朱朱食早餐   食完又番屋企坐陣   沖涼洗頭之後就拿拿聲換衫走人 lu

 

尋晚瞓得唔多好   隻貓無啦啦 mew   隻狗無啦啦吠   搞到我瞓唔到   再加上咁早起身   巧攰呢

番到菇場忙到丫   不過都係果句   忙好過無嘢做   之前勁得閒   悶到人都顛   食咩煮咩都無心機諗呀   反而忙我又唔會咁喎   但   當然唔好咁忙啦   因為我需要 m 嘛

晏晝里奧大人同同事食 farewell lunch   所以我買炒米粉 + 燒賣 + 粉果番公司食   眼闊肚窄   食唔哂喎   不過可能無落辣椒油   所以覺得無咁好食呢

 

 

經文分享
但那等候耶和華的, 必從新得力, 他們必如鷹展翅上騰, 他們奔跑卻不困倦, 行走卻不疲乏. ( 以賽亞書 40 : 31 )