蝦仁炒飯 + 菜心 + 蕃茄薯仔魚湯

( 冰姑  下面係大眼雞魚來嘎 )

同里奧大人番完教會必須要番屋企抖抖   因為我仲係巧攰呢

成日覺得星期日 d 時間過得超快   熨完衫已經 2 點半   又係時候食 tea 喇

食完又係去街市買生果 + 菜 + 大眼雞 + 蕃茄 + 薯仔   雖然勁平淡   但都幾開心嘅   有個人幫妳拎下嘢咁

今次里奧大人又幾好喎   係都要幫我煲埋中藥先去眠一眠   巧感動呢

是日懶餐 - 蝦仁炒飯 + 菜心 + 蕃茄薯仔魚湯   
蝦仁炒飯 -  求其落 d 蝦仁 + 菜甫粒 + 蔥花 + 蛋就算喇 

菜心 - 買咗 1 斤 ( $12 )   其實我覺得依家 d 菜好貴   但又唔想食瓜   又見大大棵咁所以照買   橫掂我分兩餐食   都抵嘅   估唔到 d 菜心又好甜喎   又無渣   唔錯唔錯

蓄茄薯仔魚湯 - 3個蕃茄 + 1 個細薯仔 + 1 條大眼雞   條魚又係 $30   我又係覺得好貴   但我覺得大眼雞煲出黎 d 湯唔腥   所以我會比較捨得買   同埋我會食埋條魚嘛

之前好期待睇獎門人   但依家就可睇可唔睇   覺得好似無咩新意好悶咁

      

今朝雨粉粉   又涼涼地   所以覺得有 d 凍   好正呀 

早餐食芝蛋治烘底 + 奶茶 ($16)   飽到唔知點形容

留到菇場無啦啦有嘢做   勁唔想做呀   星期一真係無咩 mood 呢

晏晝同媽咪 里奧大人去利苑飲茶   今次真係好好好好飽   因為叫咗 4 人套餐 ( 2 款點心 + 龍脷葉豬橫脷豬骨湯 + 菜 + 海鮮 + 2 款例牌小菜 ) 埋單 $ 400   咁又唔係貴喎   因為碟碟都唔小嘢呢   所以最後食唔哂要媽咪打包番屋企喇