梅菜蒸鯇魚 + 金銀蛋菠菜 + 跑步

尋日食完早餐    里奧大人就去剪髮     我就喺屋企認真做家務 屋企成日好多塵    掃完都好立痴痴咁    所以我好鍾意用碧麗珠抹嘢   好乾淨同好爽呢 

天氣好清涼    所以唔駛開冷氣    如果日日係咁就好咯 

做完沖涼  再吹下 d 清風   真係好正呢    我覺得成日涼冷氣個人好濕重咁   所以間唔中吹下 d 生風真係覺得好正 

晏晝同里奧大人去大家樂食 tea   唔想食咁飽   因為要飲埋媽咪前日煲嘅花旗參湯    如果夜晚飲呢個湯   里奧大人會瞓唔着架  

是日懶餐 - 梅菜蒸鯇魚 + 金銀蛋菠菜
梅菜蒸鯇魚 - 用 1 棵甜梅菜 + 薑絲   非常之易整   但我真係好怕整魚   次次整完都無胃口食   唔知點解 

金銀蛋菠菜 - 因為我除咗識整蒜蓉炒菠菜同金銀蛋菠菜之外   唔識整其他呢 

天氣好到實在不得不去跑步   但里奧大人膝蓋痛   所以改為一齊徑步   徑咗 35 分鐘   勁正

唔知點解依家 d 生果無咩生果味   之前買咗個木瓜   d 口感唔似食木瓜   同埋絕對無木瓜味架


   

      

今朝如常番工 lu   黎緊呢個幾月好慘   因為無假期呀

早餐食芝腿菠蘿包 + 凍奶茶 ( $17 )   食完覺得有 d 滯

番到菇場又係燃燒青春

一到 12 點就最開心   因為覺得 d 時間會突然過得好快咁

同里奧大人又去興記食麵   食食下先發覺原來自己差唔多連續 3 日食公仔麵   所以開始有 d 驚   呢個餐實在太多嘢   加上我早餐仲未落格   所以打包奄列同餐包番公司做 tea 呢

   
經文分享
如今常存的有信, 有望, 有愛, 這三樣 : 其中最大的是愛 ( 歌林多前褚 13 : 13 )