求其炒飯 + 隔夜湯

尋晚覺得自己好好   雖然好攰   但我番到屋企都即刻洗衫   拖地   妳知啦   地方細   拖地真係好計煩   要拎起呢樣拎起果樣先可以拖到   好計攰家嘛

不過識 d 人只會拖睇到嘅地方   睇唔到嘅就唔會拖   眼不見為乾淨   我就唔會囉   唔拖果度咪立痴痴好 "烏糟" 囉 

尋晚里奧大人成 9 點半先番屋企   加上我有小小頭痛   本來想叫佢自己買外賣番屋企食   飲碗隔夜湯就算   但又覺得好似好慘咁   最後我都求其炒碟飯   總好過出去食味精嘅

我尋晚覺得自己好怪   因為居然一 d 脾氣都無發   又無打電話催里奧大人收工   唔通我真係開始學識包容同體諒   係就好喇 

是日懶餐 - 求其炒飯 + 隔夜湯
求其炒飯 - 將脆肉瓜 + 漢堡扒切粒   加老抽加蛋   炒埋一碟   其實呢   本來想 xo 醬炒脆肉瓜 + 煎漢堡扒 + 炒飯   但里奧大人實在太夜先番到屋企   我又唔想分幾碟餸黎煮   所以煮性炒埋一堆   估唔到里奧大人又鍾意食喎 

隔夜湯 - 估唔到仲清甜過第一晚

基本上每個星期日都會由里奧大人負責換床單   因為張床褥好重   所以一定要男人換先得   但里奧大人話果晚太夜唔換住喇   尋晚我又叫里奧大人換床單   佢居然叫我唔駛再提佢  佢記得喎   我咪話記得就換啦   成日要講幾百次先肯去做   最憎人係咁   藉口多多

尋晚睇 " 珠光寶氣 "   睇到蔡少芬鬧人鬧到好辛苦咁   覺得好勞嘈好煩   定係因為咁啱我頭痛而覺得好煩呢 


  

      

 

今朝陰陰天   所以覺得勁眼瞓呢   都係有 d 陽光曬下好   精神 d   但又唔好太曬   因為唔想有黑斑 

本來想去食麥記   但覺得茶餐廳 d 奶茶濃味 d   飲咗會精神 d   所以又走咗去食餐蛋治烘底 + 奶茶 ( $16 )   我第一次食咁厚嘅餐蛋治   食一件已經好飽   再食埋第二件開始驚蛋 lu   唔知做咩計無啦啦咁厚蛋嘅呢

番到菇場就係等食晏架喇   可悲可悲 

同里奧大人去興記   今次我食火腿燴意粉   好好食喎   如果識整 d 汁就好喇   今次叫嘢食都幾麻煩   因為凍檸茶要小甜小冰   意粉要多汁   其中一份餐包轉方包   火腿奄到轉火腿腸仔   好在無比人咀藐視咋

經文分享
但願使人有盼望的神, 因信將諸般的喜樂, 平安充滿你們的心, 使你們藉着聖靈的能力, 大有盼望 ( 羅 15 : 13 )