尋晚雖然夜瞓...但都堅持要番教會...因為之前太忙...成個月都無番過...所以同里奧大人一齊 10 點起身...梳洗後就打的去教會附近食早餐喇...諗住祟拜完就即去做機...所以食飽 d...食炸菜肉絲米粉配腸仔蛋 ...而里奧大人就要配火腿炒蛋嘅...食完就去祟拜喇
本來諗住聽完道就即打的去做機...點知 12 點 8 都仲未講完...所以唔做機喇...因為體育館 1 點 close 嘛...橫掂唔駛做機...所以同里奧大人逛街市買餸...買咗 1 斤菠菜 ($6) 再買豬展 $20 同 3 塊豬扒 ($15)...豬肉檔亞婆都唔知係咪未瞓醒...我好清楚講話要 $20 豬展...佢居然斬 $36 比我...我話唔要咁多...$20 夠喇...咁 d 豬扒又切到厚厚咁...真係唔知佢做咩嘅...咁厚好難煎家嘛
之後同里奧大人慢慢行番屋企...再去 jusco 買叉燒 ($18)...之後再睇下有咩鞋款...睇睇下咁就已經成 2 點幾...要番屋企放低嘢又去 tea 喇...去餐廳食 xo醬炒公仔麵 同 三絲炒意粉...其實好怕肥...但又真係好想食囉
本來我又諗住食完就去公園散步...但有輕微頭痛...唔想吹風...所以就改為同里奧大人行商場喇...終於行下行下搵到里奧大人想要嘅款...咁啱我又有想要嘅兩款鞋...買完就走喇...再行多陣...里奧大人又有鞋啱心水...所以順便買多兩對...拎住 5 對鞋真係唔番屋企唔得喇
番到屋企已經 5 點半...要快快手咁煲湯喇
是日晚餐 : 叉燒蛋絲炒米粉 + 金銀蛋菠菜 + 淮山杞子圓肉茨實當參石斛豬展湯
叉燒蛋絲粉炒米粉 - 唔想食飯...所以煮超簡易米粉...
金銀蛋菠菜 - 菠菜含有酸性...會破壞體內鈣質...所以滾完菠菜嘅水千萬唔好要呀
淮山杞子圓肉茨實當參石斛豬展湯 - 滋陰補腎...一個好好嘅湯水
石斛 -
蘭科植物黃草石斛 Dendrobium chrysanthum Wall. 的莖。
味甘，性微寒。益胃生津，滋陰清熱。
以色金黃、有光澤、質柔軟、脂膏較豐者為佳。
霍山石斛 (又名鐵皮楓斗)
主產於六安穎川府`安徽 , 浙江 , 山西 , 雲南等地o
霍山石斛產於漢中霍山的崇山峻嶺 , 縱橫千里 , 雲霧滿谷 , 人跡罕至 , 受陽光反照 , 感日月之精華 , 秉山川之 靈氣 , 滋生名貴瑞草 , 故又名 [綠毛楓斗] 或 [鐵皮楓斗] , 其味甘淡 , 清香入脾 , 可消除虛熱 , 清胃降火 , 化痰涎 , 滋陰益精而生津液 , 補虛勞壯筋骨 , 安神定驚 , 止夜夢遺精液等o
功能:益精明目 , 滋肺補腎 , 養肝健胃 , 陰虛內熱 , 胃陰不足 , 治療白內障 , 青光睍 , 糖尿病 , 高血壓等疾病 , 療效顯著o
食譜
(一) 霍山石斛三錢 , 野生花旗參三錢 , 紅棗五 枚 , 放在燉盅內 , 加滾水三碗 , 再將燉盅放在電子瓦內加水燉足五小時o(可供一至二人食用)
(二) 霍山石斛一兩 , 野山花旗參一兩 , 打成粉末 , 用滾 水沖飲o(一人可分十次飲用)
食完再沖埋涼就同里奧大人睇番獎門人...好鬼搞笑...尋晚仲一路食蝦片一路睇...真係勁嘆呀
今朝又係涷涷地...不過呢 d 天氣真係好舒服囉
星期一嘅早餐多數想食甜嘅...所以就食芝腿菠蘿包 + 奶茶 ($15)
番到公司做埋小小嘢就有大把私人時間喇 
晏晝帶飯...點知里奧大人同 d
同事失散咗...所以搵我陪...我食完就去咗 Cafe 搵里奧大人...佢食咖啡牛腩意粉 set
lunch...但份量好多...所以又要我陪食...真係飽到上心口呀
番到公司附近...麥當勞有流動車派即磨咖啡...唔駛排隊...所以拎杯試下...味道一般啫...仲諗住好香咖啡味添
沒有留言:
發佈留言