尋晚放工又約咗 blog 友 卡姑 見面喇 不過今次好 d 可以傾到計 唔會好似速遞咁交完貨就趕頭趕命走
我買咗小小嘢比卡姑 點知佢又特登去買番包古古力酥比我喎 真係丫 當妳朋友買嘢比妳 妳又買黎買去咁 睇妳人仔細細又幾計老土架噃
不過我都好開心嘅 因為妳覺得好食就買比我食呢 不過下次唔好喇 我要開始減肥喇 咁樣會食肥我架 知道嗎
難得聚頭 又係要影下相咁啦 今次就醒喇 因為見到電話亭有個凹位 所以又可以玩自拍喇 今次終於可以三七分臉 + 微微咀笑喇
同卡姑道別之後就等家姐一齊去麥記醫肚就上瑜珈喇
唔知係咪呢排攰得滯 所以覺得課室好凍 凍到想瞓覺添呀
之後同家姐去食飯 諗住去 apm 嘅赤丸食烏冬 點知裝修到 10 月尾喎 無計啦 去 food court 食囉
食 pepper lunch 黑椒牛肉飯 + 蒜蓉牛油雞翼 + 馬拉盞通菜 估唔到呢餐又幾好食噃 不過蒜蓉牛油雞翼就真係唔掂 d 炸漿多到丫 痴痴地線架 又唔脆 雞翼又咩味都無 仲要 30 蚊得 4 隻 係唔係呀
送完家姐搭車就去媽咪屋企 lu 睇亞蘇整件英式西多士 真係睇到驚 4 隻蛋要落 8 匙更沙糖 又要用咁多油去半煎炸 最離譜係佢炸到燶哂呢 仲話係甘黃色 擺明係黑色啦
之後整 " 麵包頭 " 仲桃突 將 d 麵包濕水之後係咁 "練" 已經覺嘔心 之後搓搓下比人搓仲嘔多兩錢 睇完之後已經唔想食喇
番到菇場望住電腦扮勤力 但真係扮唔到 因為 m m 下會忍唔住笑咗出黎 計唔知妳唔係做嘢咩
經文分享
我們又藉着祂, 因信得進入現在所站的這恩典中, 並且歡歡喜喜盼望神的榮耀. (羅 5 : 2-3 )
沒有留言:
發佈留言