奶奶生日飯 @ 景福

尋日放工同媽咪去九龍灣正斗 lunch   有得坐卡位好舒服呀 

同媽咪食咗雲吞麵 ( 細 ) + 炸醬麵 + 及第粥 + 羅漢齋春卷    最正係有余均益辣椒醬   我覺得最好食係碗粥   好棉 d 料又鮮甜喎   真係好小食到呢    埋單 $134 都幾貴啊   但就坐得舒服同無酒樓咁嘈囉 

之後媽咪要去婆婆屋企   送完媽咪搭車   就去買件外套比奶奶做生日禮物   之後就上媽咪屋企休息下 

休息到 5 點就走喇   因為奶奶生日   所以早 d 去酒樓打牌 

因為就奶奶   所以去景福   服務態度超唔掂   食物水準當然都係唔掂啦   咁 cheap 嘅酒樓都要 3 千幾蚊圍呀

我無影到 d 食物相   因為全枱都係老餅   費事問影黎做咩   答唔係問題   而係答完佢地都唔知係咩   無謂嘥口水 lu 

食到 10 點半   終於可以番屋企喇 

  

      

今朝無番教會   因為諗住睇醫生   點知睇開果個要晏晝先番   所以都係晏晝先睇   同里奧大人去食早餐算喇   我食火腿通粉 + 餐蛋多士   里奧大人食丁蛋麵    呢間餐廳無 d style   扮哂太興   又話係厚多士   點知話轉咗係多士喎   咁改餐牌丫嘛   order 完早餐又唔比刀叉   都唔知點做嘢   但價錢又同太興一樣喎   但服務態度同食物水準真係差九班呀 bad list 佢添呀