鯪魚大餅 + 牛油炒粟米 + 腐竹湯丸糖水

估唔到自己可以真係做到晚晚煮住家飯  但煮咗一個星期    野性難馴   始有 d 想出街食咯  

呢排天氣凍   好想打邊爐   但里奧大人話唔好喎   熱氣呀  唉  無哂心機   想蛇下都唔得  

唔想食豬  唔想食雞  又唔想食蛋   所以去街市買鯪魚肉 ( $10 )  再加 2 條粟米 ( $5 ) 就算喇   唔知係咪好多人用粟米打邊爐呢    所以好難先買到粟米呀 

臨番屋企前再買包腐竹 ( $6 )  因為好想煲糖水潤下呀

是日懶餐 - 鯪魚大餅 + 牛油炒粟米 + 腐竹湯丸糖水
鯪魚大餅 - 加菜甫碎    所以食落爽爽地好正架   再加埋泰式醬汁   真係超好味呀   

牛油炒粟米 - 大粒嘅粟米好容易拻   話咁快拻完   之前成日買 3 條粟米  食完真係有 d 滯   但今次買 2 條嘅份量就啱啱好呢  

腐竹湯丸糖水 - 唔想煲湯   加上天氣乾燥   食糖水就最好喇   同埋希望食完好瞓 d 啦  

依家習慣 11 點前瞓   感覺好似有足夠嘅時間休息咁呀   

 

      

     

     

      

      

     

     

今朝好似無咁凍 lu    但依然都要着番件外套呢   唔係冷親好麻煩架  

唔想食蛋  唔想食麵   所以食芝腿菠蘿包 + 奶茶 ( $17 )   個菠蘿包皮甩咗出黎  好似帶咗假髮咁   樣衰到不得了     今朝仲買埋報紙邊食邊睇  $5.5 送 tempo 又幾抵喎   不過其實我好小買報紙   因為根本無時間睇呢   同埋上網可以睇嘛   唔好 sai 錢呢  

老細今日番咗喇    所以要快手快腳做嘢喇

晏晝里奧大人同同事食     所以我就約媽咪 朱朱去食晏    食濕炒牛河 + 海蜇燻蹄 + 馬拉糕     好開心呀