腐乳蝦醬雞絲炒飯 + 菜心 + 自制常餐 + 自制黑白珍珠西瓜涼粉 + 徑步 ( NOV-2008 )

呢排真係煮嘢煮出癮   雖然只局限於極度簡單嘅餸菜   但我真係落足幾百萬倍嘅心機整㗎   真係煮嘅開心   食嗰個仲開心呢 ~

見里奧大人成日渴望食丁丁   咁難得星期日又有時間   所以整丁丁比佢嘆   加埋開心腸同哈哈笑蛋   佢真係差啲一路食一路感動到流眼淚呀 ~

都話整開有條路   所以比個驚喜里奧大人   就係整咗過超 A 嘅黑白珍珠西瓜涼粉   好透心涼呀   不過呢碗超 A 真係用咗好多時間整呢 ~

食到真係好飽   但又想早啲食完去跑步   所以好快又要預備晚餐喇 ~

是日懶餐 - 腐乳蝦醬雞絲炒飯 + 菜心

腐乳蝦醬雞絲炒飯 - 第一次跟食譜整   又幾好味喎   今次仲錯有錯着   整多咗啲汁   所以可以用多餘嘅汁嚟點菜心 ~

菜心 - 菜心夠正氣   食多多都唔怕 ~

  
食完洗完抖陣就跑步   其實應該係徑步   好耐無徑 lu    所以唔敢徑咁耐   來回 30 分鐘就算喇  
徑步完沖涼啲感到真係好正好舒服   希望嚟緊都有時間可以徑番啦 ~

~~~~

今朝係星期一   但無想像中咁唔想番工喎   唔錯唔錯 ~

尋日食得太多蛋   又食過出前一丁   無咩好選擇就食芝腿治烘底 + 奶茶 ($16) ~

番到菇場終於無咁忙   可以巡完 Blog 先開工   咁先有原動力開工家嘛 ~

里奧大人晏晝要聽 Seminar   所以去麥記   貪佢夠快呀   我覺得個巨無霸好似嘔緊啲菜出嚟咁   好搞嘢呀 ~