薑蔥雞肶 + 蕃茄薯仔魚湯

見里奧大人唔舒服   我個心仲唔舒服   又擔心喎   我覺得係呢排成日出街食  所以食得太雜  無哂營養  又無湯水    無埋抵抗能力   加上里奧大人工作壓力大  又唔夠時間休息   所以咁易比病菌打倒   噢  好可憐呀 

就係因為里奧大人病咗   所以黎緊嘅將來我會發奮煮飯    煮到煮唔到為止

 

尋日雖然請咗假   但真係忙過番工   陪完里奧大人睇醫生  之後去超市  街市  去 bank  煲粥  拖地   清理文件等等等等    

晏晝清清地   煲啖粥   加 d 陳皮絲   但唔知點解個粥會咁杰嘅   唔知係咪因為唔係用電飯煲煲粥呢   

全日未停過    又要周不時摸下里奧大人有無標冷汗    搞到我呢日都精神緊張呀 

是日晚餐 - 薑蔥雞肶 + 蕃茄薯仔魚湯
薑蔥雞肶 -  里奧大人想食薑   所以整薑蔥蓉   雞肶就咁蒸  放落電飯煲都蒸唔熟  又要開火再蒸    麻計煩

蕃茄薯仔魚湯 - 想醒胃 d   所以用 4 個蕃茄 + 1 個細薯仔  + 2 條紅衫魚   依家紅衫魚又貴咗咁   2條要 20蚊呀   不過有營養    點都要買嘅  最多食埋條魚去囉 

今次里奧大人唔舒服   我特登請假陪佢   佢話好感動呢   因為估唔到我會咁做喎

我覺得佢今次病係我做成   因為我懶   成日無煮飯    佢又為咗可以令我有舒適嘅生活   所以佢份工點辛苦都要番工     我個心真係好痛好痛  

我情願我有病    因為我唔想病會令佢辛苦   我病無所謂丫   唔食嘅話  體內仲有大量脂肪燃燒      工作壓力又唔大   留番第日做都得   但里奧大人一唔番工  手頭上嘅嘢都係佢做番   所以好慘呢 

            

 

 

 

 

 

 

今朝早咗起身   所以去美心食早餐  食至愛嘅吉列魚柳腸仔厚多士 + 奶茶 ($21) 

 

食到飽飽番菇場     又係忙到震   好充實呢 

晏晝同里奧大人去公司附近食 lunch   食完可以快 d 番公司休息   基本上茶餐廳無咩嘢係唔油膩    所以清清地食粟米豬扒飯 + 熱檸檬菜蜜 ($37)   不過個汁超稀   無咩味    所以真係好清囉