尋晚放工坐車聽 mp3 聽 d 慢歌突然諗起 d 唔開心嘅嘢 嚇到即刻轉快歌 之後再聽番慢歌又無事喎 唔知係咪仲未適應日短夜長呢
里奧大人探奶奶 所以無咁快番到屋企 我就可以有時間洗衫熨衫 我唔鍾意一大堆衫放響度 如果唔係成日覺得好似差緊 d 嘢未做咁 瞓都瞓得唔安樂架
水餃米粉 + 雙丸米粉 - 超方便 總好過食街嘢丫
日本蕃薯糖水 - 呢個糖水真係愛心滿溢架 點解咁講呢 因為我無諗住整 但里奧大人無啦啦問會唔會整糖水 佢好小會咁問架 我好了解佢 佢咁樣問即係想食 但又驚我辛苦要整 所以就會咁問喇 難得佢鍾意食糖水 我呀 幾攰都煮啦
朝朝諗食咩早餐 有時都諗到唔知食咩好 所以又係食三文治 蘑菇雞肉腸片蛋
治 + 奶茶 ( $16 ) 三文治都係烘底好食 d 都唔理熱唔熱氣咯
番到菇場一樣咁忙 但忙得好開心 因為期待緊食 lunch 呀
家姐今日放大假 所以約埋媽咪 里奧大人一齊 lunch 去 pizza hut 食嘢 不過唔知點解覺得無咩味咁嘅
睇報紙見到盞記廣告 又幾搞笑咁 不過最頂癮係之前嘅廣告 搵安得尊扮女人 真係令人作嘔兼發惡夢呀
發
沒有留言:
發佈留言