臘潤腸蒸雞翼 + 蠔油唐生菜 + 隔夜湯

天氣凍凍地  真係行步路都舒服 d 呀 

因為之前已經醃好咗雞翼   所以只係買 1 份唐生菜 ( $6 ) 同 1 份木瓜仔 ( $10 ) 就可以番屋企喇 

 

唔好講笑  天氣凍凍地  做嘢都舒服過人架   尋晚拖地都無出汗   個地又快乾    very 正呀   

其實我都幾鍾意乾燥嘅天氣   因為 d 衫好快乾   但唯一唔好處就係 d 皮膚超乾   要狂查 cream   仲要做埋 mask   比較多嘢搞呢  

是日懶餐 - 臘潤腸蒸雞翼 + 蠔油唐生菜 + 隔夜湯
臘潤腸蒸雞翼 - 用雞粉醃雞翼   再加埋臘腸潤腸  雖然好油膩    但真係好方便又好好味呢   一次半次無所謂啦   

蠔油唐生菜 - 唔想駛多隻鑊    所以灼唐生菜 

隔夜湯 - 最鍾意飲隔夜湯   晚餐有啖湯水真係好好呢    

買咗好多蘋果    所以食完飯隔陣就要食喇   試下晚晚食生果  睇下係咪真係無咁易病先

凍凍地真係好易眼瞓   所以 10 點半已經瞓着咗喇  

    

     

     

     

      

     

     

今朝凍咗好多   真係好想瞓多陣呀  

好早番到公司附近   所以可以慢慢嘆個煙肉蛋漢堡 + 奶茶 ( $15 )  其實真係好想戒奶茶   但真係唔飲唔掂    但我只會比自己飲 1/3   極其量最多半杯     咁點都好過飲哂丫嘛  

番到菇場好忙   但老細唔喺公司好 free   呢個環境真係好唔想做嘢住呀 

 
呢個世界真係好細   原來里奧大人嘅新同事係以前公司同事   所以晏晝同埋佢一齊食晏喇   去嚐越   我食春卷撈濛 + 粉包 2 件仔   里奧大人食海鮮蠔仔泡飯 + 炒雜菜 1 碟仔     d 嘢食麻麻地啫   不過請人食就要環境好 d 咁囉