焗叉燒 + 豉油皇炒飯 + 鯊魚骨姬松茸滋補湯 ( 11-nov-2009 )

( 11-nov-2009 )
今朝遲咗 5 分鐘出門口   見到巴士站打蛇餅   真係好驚又要塞車呀    好在車程都好順    唔係又要趕頭趕命食早餐都幾慘 
早餐食奶油多呀   好耐無食   但又唔覺特別好食喎 

番到菇場心情唔錯   焗杯圓肉杞子飲啦    飲咗一杯即胃痛   撞鬼   無哂心機呀 
lunch 買腸粉燒賣   其實買一樣都得   但又覺得好悶咁喎   噢  幾經辛苦先食哂呀    因為腸粉真係幾滯咁啊 

前一晚醃定咗 d 餸    今晚連街市都唔駛去   實在太開心喇 
是日晚餐 - 焗叉燒 + 豉油皇炒飯 + 鯊魚骨姬松茸滋補湯
焗叉燒 - 第 2 次整   但都係想要深色 d   好後悔無加到老抽醃呀   如果唔係應該會靚仔好多呢    同埋下次再整會買肥 d 嘅枚頭肉或者柳梅   咁就應該更好味 d 呢    靚肥叉   等我呀 
豉油皇炒飯 -  蔥粒  薑粒  蛋   豉油    就咁已經好好味呢   
鯊魚骨姬松茸滋補湯 - 呢個係湯包黎  所以叫里奧大人煲   我之前一日買定豬肉  粟米同紅蘿蔔   咁佢就唔駛煩啦   教佢煲嘅時候   佢話原來咁煩架   真係唔係你估呀    叫你煲南瓜粟米栗子仲煩呀    等你成日咁天真   以為煲湯將所有嘢掉哂落煲咁簡單丫嗱   哼