麻婆豆腐 + 蒜頭豆豉炒脆肉瓜 + 鵝掌翼 ( 外賣 ) + 紅棗黑豆雞腳湯 ( 18-nov-2009 )

( 18-nov-2009 wed )
今朝仲係好凍    所以食麵暖身   食完麵都唔出汗真係好爽呀 

又係勁忙    覺得 d 時間過我好快   快到有 d 得人驚呀 
lunch 又去大榮華買點心    今次食叉燒包 + 紅豆沙    本來諗住唔要叉燒包  驚太飽   不過好在有叫咋   因為紅豆沙得幾粒豆  無料到嘅   飲水咁    但又唔好意思叫多豆喎  唉   下次唔食喇 

忙多陣終於做完   噢   有 d 失落咁呀  
是日晚餐 - 麻婆豆腐 + 蒜頭豆豉炒脆肉瓜 + 鵝掌翼 ( 外賣 ) + 紅棗黑豆雞腳湯
麻婆豆腐 -  個汁係跟食譜整   第一次整唔錯啦   但里奧大人話唔夠味    唔係嘛    辣豆板醬喎    又話驚辣喎    早知落多 d 啦   
蒜頭豆豉炒脆肉瓜 -  菜心要 13 蚊一斤呀   太貴啦  食瓜算喇   4 條都係 5 蚊   平好多啦   又好味喎 
鵝掌翼 ( 外賣 ) - 突然好想食呀   所以買咗兩隻  里奧大人又唔鍾意食  獨食真係好爽呀
紅棗黑豆雞腳湯 - 媽咪煲架    勁好味呢 
整完哂又同里奧大人散步    我又唔覺凍   可能用熱水洗完碗啦   但里奧大人一路行一路話凍    我買雪糕食  佢話喺商場入面等    我話唔想行咁快  佢話咁佢行入商場先    妖   我話不如自己行啦    不過佢又好怕凍嘅    早講嘛   可以唔行家嘛     又係都要陪我    行到我呢