豬骨鍋湯底 - 1 蚊雞 抵啦 之前食過一次好多豬骨架 今次得兩個豬骨筒 同埋覺得個湯底唔夠濃呀
墨魚滑 - 好滑架 所以次次都叫呢
珊瑚蚌 - 好爽呀 不過我鍾意食炒貴妃蚌多 d
珍珠蚌 - 第 1 次叫黎食 又係好爽 下次會再叫 應該
美國肥牛 - 雪到飛起哂 但食落唔錯喎 無想像中咁肥林林
油麥菜 - 食菜真係好唔抵 但唔食又唔得 呢籃菜 $18 不過估唔到份量都唔小啊
涼拌海蜇 - 麻麻地啦 期望太大喇 定係因為無點白醋呢 依家都係覺得海蜇頭好味 d
忌廉 - 3支 / $10 兩個人飲就真係唔夠囉 但叫 6 支又好似好唔健康咁 我飲咗一啖已經無咗半支 但飲一罐又覺得有排飲咁架噃 不過支裝真係好飲 d 好有 feel 咁囉
杏仁糊 ( 免費 ) - 都 ok 啦 有杏仁味又唔太甜 食完濃味嘢食番 d 甜品會好好多呢
芝麻糊 ( 免費 ) - 里奧大人食架 都 ok 啦 唔係太甜就得架喇
open kitchen - 一覺得 d 嘢食咁耐未到就望一望 無就即追 waiter 唔錯架
( 3-nov-2009 tue )
今朝凍咗好多好多呀 真係要着厚 d 嘅外套先得呢 仲諗住脂肪可以禦寒唔駛着外套 但原來係唔得嘅 等我仲儲咁多添 噢
早餐想食吞拿魚治烘底 點知佢地整錯咗餐蛋治烘底喎 好在有杯凍檸茶 咁就無咁漏呢
番到菇場超忙呀 忙到抖唔到氣 help
晏晝其實無胃口 但又想食熱嘢暖胃 所以又食咖哩烏冬 唔想食要食 真係好難食
仲諗住晏晝無咁忙 點知無啦啦仲要有 urgent 嘢喎 但我 partner 居然中眼 瞓着咗 都唔明點解可以瞓得着 除非我好唔舒服 如果唔係開工時間瞓覺好有壓力架 同埋覺得好邪 唔瞓就無人搵 一瞓就好多人搵妳咁囉
終於放工啦 今晚都係要抖抖 唔會煮飯呢
里奧大人話難得天氣咁凍 不如打邊爐喎 好丫 絕對好添啦 我正想食濃味嘢啊
等食期間 望到對面枱一家大細打邊爐 佢地成家居然生食黃金脆竹卷 好大條果 d 腐竹卷喎 食到卜卜聲 嚇得我丫 之後又再淥一淥再食 好核突啊 唔係以為係錦鹵雲吞皮呀嘛
今次簽 DBS 有糖水送 所以揀咗杏仁糊同芝麻糊 無期望真係有 d 驚喜啊
食完同里奧大人行半個鐘先番屋企啊 因為真係好飽呢
沒有留言:
發佈留言