譚仔 (三哥) 雲南米線 @ 大埔 ( 4-nov-2009 )

( 4-nov-2009 wed )
今朝都仲有小小凍   有太陽又有凍凍地呢 d 天氣最舒服  我好鍾意架  

病開真係有條路    一唔夠瞓好易就黎料呀    好在飲番杯 " 美占 "熱檸檬舒服好多呢 

lunch  穩陣 d  買腐竹白果粥 + 叉燒包    個粥好有腐竹味呀    希望自己都可以煲到咁好味啦 

越坐越凍   又無 panadol  非常之唔老黎呀   好在差唔多放工   唔係都幾難捱 
都話唔老黎啦   坐巴士上層最後    我又唔想坐地盤佬隔離喎    但坐最後果排又吊腳   出風位又喺腳度喎    凍到呢    最後都係坐番喺地盤佬隔離    無計 
今晚仍都係唔煮飯   唔舒服煮飯   煮出黎連自己都覺得唔好食架   無謂浪費食物    所以同里奧大人去譚仔食米線   凍凍地食麻辣真係好暖胃暖身呢 
今次又係食過橋米線    因為兩碗米線太多   一碗又唔夠食   叫過橋米線就最好   份量啱啱好    去親譚仔都係食果 d  影果 d   里奧大人衰衰咁喺度笑   話影黎影去都係果 d   叫我 copy & paste 咪得囉   但我覺得雖然食嘅嘢係一樣   但心情唔同家嘛    所以覺得張相都唔同 d 咁架   佢又唔明喎   真係丫