蝦醬蒸豬肉 + 菜心 + 豬腳薑醋 ( 外賣 ) ( 9-nov-2009 )

( 9-nov-2009 mon )
尋晚食飯食得好開心    興奮過頭瞓唔着呀    今日仲星期一添   好在又唔係話好眼瞓   不過精神就唔多集中咁囉 
去麥當勞食早餐真係幾 relax    不過我都唔會話好 hea 咁食    因為唔想太遲番菇場呢 

番到菇場無耐就同 partner 過隔離執嘢    整咗個幾鐘   熱到呢    之前凍嘅時候又唔執   掛住中眼瞓    依家熱番小小就黎執    真係丫 
今日 lunch 非常之開心啦    因為里奧大人要見工    所以見完就同我去 pizza hut 食 lunch 呀   估唔到無乜人     幾靜   唔錯唔錯呢 
雞蓉忌廉湯

雜菜湯

蒜蓉包

香蒜肉絲意粉

豬扒蕃茄湯天使麵

凍檸檬茶

番到菇場黎料啦    有 d 攰    可能朝早體力勞動比較大    又出咗去 lunch   所以有 d 攰   想小休一下咁囉 
放工即走   好在諗定好食乜唔駛煩呀 
是日懶餐 - 蝦醬蒸豬肉 + 菜心 + 外賣薑醋
蝦醬蒸豬肉 - 好耐無食   同埋真係最緊要可以做 lunch box 囉   見里奧大人食到 jap jap 聲    我覺得好開心呀    因為代表佢鍾意食   如果唔係佢會對住碗飯係咁 "了" 係咁 "了" 囉 
菜心 - 又大條又甜   唔買唔得呀    
外賣豬腳薑醋 - 百佳買架    但今次無咁深色    不過一樣咁好味喎 
整完哂所有嘢又同里奧大人落街散步     佢話想食甜嘢   所以買咗 d 糕點番屋企食   無啦啦想食甜嘢    咁應該係 d 餸比較鹹     因為平時佢好小會咁呢