榨菜肉丸蒸玉子豆腐 + 芥蘭 ( 12-nov-2009 )

( 12-nov-2009 thu )
今朝遲咗呀   所以去另一間食早餐  咁就唔駛見到老闆佢地   食都食得舒服 d 呀 

飲下水睇下嘢終於放 lunch   去媽咪屋企附近酒樓飲茶  飲完真係好想番媽咪屋企瞓覺   唔想番工呀 

放工去街市買餸    途經菜檔   見到有個女人咬住條菜心   生架   好得人驚囉   咁都擺落口嘅    我以為佢有問題   原來係菜檔嘅人黎    不過好恐怖囉  無啦啦拎條生嘅菜心出黎咬   顛架  
是日懶餐 - 榨菜肉丸蒸玉子豆腐 + 芥蘭
榨菜肉丸蒸玉子豆腐 - 呢個餸係跟卜友   卡卡  學整嘅   呢個餸超平呀    玉子豆腐 $ 1 / 條  買咗 2 條   即食榨菜 $ 1.5 / 包   豬肉 $12   不過覺得 d 玉子豆腐同榨菜咁平就有 d 驚   里奧大人話榨菜有 d 怪味   講講下又覺  有 d 驚   不過好在唔係臭囉   可能我地食唔慣自家煮嘅榨菜啦 
芥蘭 - 里奧大人話 d 菜好老喎   又有渣   樣樣彈咁   麻煩到呢   
尋晚整親個 " 菠蘿蓋 "   所以隻腳好痛   一坐得耐就痛       佢終於識做啦   自動自覺話洗碗    不過呢  我要 double check 先得   唔係又洗小個煲架喇   點解可以咁論盡架   仲要駁咀話我無講添  真係丫   自己唔識睇嘅咩   得人憎 
唔駛洗碗真係好嘆    但我間唔中都要提下里奧大人   我隻腳痛咁囉    如果唔係佢唔記得架    佢做做下功課突然記得我腳痛   出黎幫我按摩   噢   等咗好耐啦   不過比佢按完真係舒服好多呢    算佢啦