鹹魚泰式炒飯 ( 走豬肉 ) - 我無食到 睇個樣都 ok 架
咖哩角 - 個汁好好味
咖哩炒蟹 - 我只係食咗 d 汁 好味呀 不過如果辣 d 仲正
辣椒膏炒青口 - 個汁又係好好味
炸蝦餅 - 最鍾意食炸蝦餅 不過如果我得同里奧大人就唔會叫 因為覺得食完都飽咁囉
煎薄餅 - 都唔錯 唔係好油
烤薄餅 - 見到隔離食 再問影子要唔要 佢話要 咁就即叫啦 呵呵
石榴子冰 - 我飲咗兩啖 不過印象中都幾濃椰汁味
( 8-nov-2009 sun )
今朝喺教會附近食早餐呀
崇拜完畢就去附近買靈修書同禮物比朋友 咁就用咗一個鐘時間 lu 之後番到屋企已經兩點 但唔餓 三點先食 tea
今日好熱呀 所以喺屋企唔想郁 只想睇下雜誌 睇下電視 原來好舒服架 第時都係星期一至六做哂所有家務 留番星期日盡情抖抖呢
今晚好開心 因為會同 blogger 流浪影子 & 小寶一齊食晚飯 呢次見面只係用留言方式相約 無通過電話 唔知對方嘅樣貌 所以里奧大人都替我擔心 驚我比人放飛機啊
早 d 去到相約地點 咁唔駛咁趕 其實我好緊張架 因為去咗好多次洗手間 嚇到里奧大人以為我有病呀
終於等到啦 相認嘅感覺真係好特別啊 好興奮好緊張又好似好親切感呀
實在愧對影子 因為我唔知大埔有乜好食 只係覺得大尾督嘅忠誠茶座泰國菜算係有水準 見得下人 所以一齊坐 van 仔入去食嘢喇
呢次飯局好開心呀 一路傾一路食 雖然唔知影子係咪都習慣咁樣 但都唔理喇 要珍惜每分每秒啊 因為好難得見面嘛
話咁快就十點幾 lu 所以埋單走人 因為里奧大人聽朝要見工啊 如果唔係可以夜 d 呢
呢次一聚 唔知幾時又可以見呢 道別嘅時候都係有 d 傷感唔捨得 噢
噢 今次又有手信 我最愛食嘅榴槤特產啊 里奧大人番屋到屋企睇 d 手信 發覺係全部都係榴槤 話影子好有心呀 駛乜講 似你就慘啦 無心肝
沒有留言:
發佈留言