節瓜甫 + 酸齋兩味 ( 外賣 ) ( 1-jun-2011 )

( 1-jun-2011 wed )
星期三   呢排瞓得唔好   好在唔會話太攰唔想番工果隻   因為我番工好開心呢 ~
早餐食菠蘿包   熱辣辣   正到爆 ~ 

菇場忙咗陣   忙到以為 11 點   原來 10 點都未夠 ~  
晏晝有 lunch box   我超鍾意食牛仔骨架   所以食番隔夜嘢都覺得好好味 ~
終於放工啦   我 partner 之前同我傾計   問我係咪搬咗   因為以前我放工準時走   要趕車同買餸嘛   依家就唔駛咁趕   多數遲 5-10 分鐘走   咁佢更係想我第一個走啦   佢無咁異相嘛   所以依家我係佢不動   我不動   反正我有時間   呵呵 ~
今晚就咁去惠康買豬肉就得 lu   超爽 ~
是日晚餐 - 節瓜甫 + 酸齋兩味 ( 外賣 )
節瓜甫 - 第一次整架咋   其實我唔鍾意用節瓜做餸   因為我記得第一次燜節瓜   d 節瓜好似酸咁架   好鬼驚囉   今次將 d 豬肉加埋臘腸粒   惹味 d 嘛   不過就懶   無打蠔油獻   我食覺得有味喎   但里奧大人就誓願咁食   我心知咩事啦   佢話無味   又話 d 肉 over cook   我都知嘅   咪清 d 囉   同埋我覺得真係好味喎 ~ 
酸齋兩味 ( 外賣 ) - 知道節瓜甫係清淡   所以買番 d 外來食品   咁里奧大人就會無咁痛苦   其實係自己唔想煮多樣餸 ~  
之前買咗幾隻大蕉   諗住同家姐 share   所以叫家姐今晚落黎拎   佢順便又拎埋糖水比我   仍都順便食埋雪糕   坐一陣先走呢 ~